बन्दिपुर गाउँपालिकाको हिउँदे अधिवेशन : पर्यटन विकास ऐन प्रस्तुत
भञ्ज्याङ न्यूज
बन्दिपुर गाउँपालिकाले पनि १२औं गाउँसभा सुरु गरेको छ । गाउँपालिकाले हिउँदे अधिवेशनमा बर्षे अधिवेशनमा छुटेका तथा कार्य सञ्चालनका लागि जारी गर्नुपर्ने कानुन, नियम तथा विधेयक पास गर्न गाउँसभामा प्रस्तुत गरिएको छ ।
पहिलो दिन गाउँपालिकाका अध्यक्ष एवं गाउँसभाका सभाध्यक्ष सुरेन्द्र बहादुर थापाले गाउँ सभा सुरु गरी कार्यक्रममा स्वागत गरेका थिए। यस्तै, उपाध्यक्ष पञ्चमायाँ गुरुङले प्रगती बिबरण तथा समिक्षा प्रस्तुत गरेकी थिइन् ।
विधायन समितिका संयोजक बलबहादुर गुरुङले बन्दिपुर गाउँपालिकाको पर्यटन बिकास ऐन २०७९ र जोखीम न्युनीकरण तथा ब्याबस्थापन बिधेयक २०७९ सभामा प्रस्तुत गरी पेस गरेका थिए ।
प्रस्तुत भएको विधेयकलाई सभाले पास गरेको छ । अन्य विधेयक तथा कार्यक्रम पास गर्नका लागि १२औं गाउँ सभाको अर्को बैठक माघ १३ गतेका लागि बोलाइएको गाउँपालिकाका प्रमुख प्रशासकीय अधिकृत नन्दलाल शर्माले जानकारी गराए ।
