बन्दीपुर केबलकार पर्यटन एवं उद्यमशील पत्रकारिता पुरस्कारबाट तीन जना पत्रकार सम्मानित
बन्दीपुर केवलकार पर्यटन एवं उद्यमशील पत्रकारिता पुरस्कारबाट तीन जना पत्रकार सम्मानित भएका छन् । केवलकार सहित बन्दीपुर क्षेत्रको उद्यम तथा पर्यटन क्षेत्रको प्रवद्र्धनमा संचार माध्यमबाट पु¥याएको योगदानको मुल्यांकन गर्दै उनीहरुलाई कम्पनीको तेश्रो बार्षिक साधारण सभाको अवसरमा सम्मानित गरिएको हो ।
सम्मानित हुनेमा तनहुँबाट दमौली एक्सप्रेस साप्ताहिक तथा ईबाराही डट कमकी सहसम्पादक सुनिता आचार्य, काठमाडौंका सेतोपाटीकर्मी पत्रकार सविना कार्की र पर्वतका नेपाल समाचारपत्रकर्मी पत्रकार दुर्गा शर्मा रहेका छन् ।
बन्दीपुर केवलकार प्रालिद्वारा स्थापित यो पुरस्कार शनिबार प्रदान गरिएको गरिएको हो । गण्डकी प्रदेश सभा सदस्य एवम् पुर्व मन्त्री हरिबहादुर चुमान, कम्पनीका अध्यक्ष रामचन् शर्मा, राष्ट्रिय प्राकृतिक स्रोत तथा वित्त आयोगका सदस्य जुद्धबहादुर गुरुङ लगायतले सम्मान गरेका थिए । उनीहरुलाई जनही ५० हजार रुपैयाँ नगद, प्रमाणपत्र र दोसल्लाले सम्मान गरिएको थियो ।
बन्दीपुर र आँबुखैरेनी गाउँपालिका क्षेत्रको पर्यटन प्रवद्र्धन एवं उद्यमशीलतामा चालिएका गतिविधिलाई प्रचारप्रसार गरि सहयोग गरेवापत कम्पनीले पत्रकार सम्मान तथा पुरस्कृत योजना अगाडि बढाएको कम्पनीका अध्यक्ष चन्द्र शर्माले जानकारी दिए ।
यस बर्ष पुरस्कार छनोट समितिको संयोजकमा कम्पनीका निर्देशक तारानाथ उपाध्याय रहेका थिए भने सदस्यमा प्रमुख कार्यकारी अधिकृत किरण पोख्रेल तथा संचालक समितिका हरिदत्त पौडेल रहेका थिए ।
तनहुँको बन्दिपुरमा निर्माणधीन बृहत् पर्यटन पुर्वधारयुक्त परियोजनाले समाजमा उधमशिलता जागरणको लागि यस प्रकारको पुरस्कार मार्फत सोही विधामा कलम चलाउन पत्रकारहरुलाई कम्पनीले नियमित प्रोत्साहन गरीरहेको छ ।
३ अर्व ५८ करोड लगानी रहेको यस परियोजना आगामि नयाँ वर्षदेखि सञ्चालनमा ल्याउने तयारी गरिएको छ । यस परियोजनाले पत्रकारहरुको लागि बिशेष सहुलियत कार्ड समेत दिने घोषणा गरिसकेको छ ।
