एमाले तनहुँको १०औं अधिवेशन : २८६ मत गणना, कंडेल समुहको अग्रता (सदस्यको मतपरिणाम सहित)
भञ्ज्याङन्यूज
नेकपा एमाले तनहुँको गत शुक्रबारदेखि दमौलीमा आयोजित १०औं अधिवेशन अन्तर्गत आज पनि मतगणना कार्य जारी रहेको छ । आज दिउँसो १:०० बजेसम्म गणना गरिएको २८६ मतपरिणाम अनुसार हरिराज कंडेल समुहको अग्रता लिइरहेको छ ।
जिल्ला कमिटीको अध्यक्ष पदका उम्मेदवार हरिराज कंडेलले हालसम्म १६२ मत प्राप्त गरेका छन् भने उनका प्रतिस्पर्धी विष्णुभक्त सिग्देलले ११९ मत प्राप्त गरेका छन् ।
यस्तै, उपाध्यक्षमा राजेश्वर ढकालले १५३ र श्रीराम कार्कीले १२७ मत प्राप्त गरेका छन् । सचिवमा प्रदीपराज अधिकारीले १५२ र अनिल पाण्डेले १२६ मत प्राप्त गरेका छन् ।
उपसचिवमा खिम कुमालले १६७ र आरके पोख्रेलले १०५ मत प्राप्त गरेका छन् भने उपसचिव महिलामा सुनिता नेपालीले १५४ र बसुन्धरा घर्तीले ११७ मत प्राप्त गरेका छन् ।
जिल्ला कमिटीको नयाँ नेतृत्व चयनका लागि भएको अधिवेशनमा २३ जना सदस्य निर्विरोध चयन भएका छन् भने अन्य पदमा आइतबार साँझ निर्वाचन भएको थियो । निर्वाचनमा कूल ५६० मतदाता सहभागि भएका थिए ।
