सत्यसाई सहकारीको १६औं साधारणसभा
डुम्रे : तनहुँको बन्दीपुर गाउँपालिका–१ डुम्रेस्थित श्री सत्यसाई बचत तथा ऋण सहकारीले १६औं साधारणसभा सम्पन्न गरेको छ ।
संस्थाका अध्यक्ष राजकुमार श्रेष्ठको सभापतित्वमा आयोजित साधारणसभाको शुभारम्भ गर्दै जिल्ला सहकारीका संघका निवर्तमान उपाध्यक्ष राजेन्द्र पियाले सहकारी संस्थाले सामान्य नागरिकको आय–आर्जनमा जोड दिनु पर्ने बताएका छन् । उनले सेवा क्षेत्रका नागरिकको सुखदुःखको साथी बन्न सहकारी लाग्नेपर्नेमा जोड दिए ।
कार्यक्रममा कोषाध्यक्ष दिलकुमार श्रेष्ठले आर्थिक प्रतिवेदन र संस्थाका सचिव संदीप खनालले सचिबको प्रतिबेदन प्रस्तुत गरेको कार्यक्रमको सहजिकरण संस्थाका सदस्य लक्ष्मी श्रेष्ठले गरेका थिए ।
उक्त कार्यक्रममा शिक्षा समितिका संयोजक नेक महम्मद मियाँ, उघोग वाणिज्य संघ डुम्रे ईकाई सभापति हेमलाल भिके लगायतले सहकारीले आम नागरिकलाई गरेको सेवाका विषयमा आ–आफ्ना विचार व्यक्त गरेका थिए ।
संस्थाले शेयर सदस्यका छोराछोरी मध्य एसईईमा ४ जिपिए प्राप्त गर्ने आयुष उपाध्यय र ३.७३ जिपिए प्राप्त गर्ने आस्था ढकाललाई नगद ५ हजार र सम्मानपत्र प्रदान गरेको थियो ।
२०६४ सालमा स्थापना भएकोे संस्थामा ९३८ जना शेयर सदस्य रहेको संस्थाले जनाएको छ । संस्थाको शेयर पूँजी २ करोड ९८ लाख ७८ हजार ४०० रुपैयाँ र ८ करोड ५० लाख ४५ हजार ८३६ रुपैयाँ बचत निक्षेप रहेको बताइएको छ ।
यस्तै, संस्थाले ९ करोड ६१ लख ७ हजार ५ सय रुपैयाँ कजाए लगानी गरेको छ भने ५३ लाख ४ हजार ६७ रुपैयाँ खुद नाफा गरी जम्मा वासलात १४ करोड १८ लाख १६ हजार ५६८ रुपैंया रहेको ब्यवस्थापक अमृत बस्नेतले जानकारी दिए ।
