मोटरसाइकल दुर्घटनामा आमाछोराको मृत्यु
दमौली । पृथ्वीराजमार्ग अन्तर्गत तनहुँको व्यास नगरपालिका–१२ बेलभञ्ज्याङमा आज बिहान भएको मोटरसाइकल दुर्घटनामा आमाछोराका घटनास्थलमै मृत्यु भएको छ ।
दमौलीबाट डुम्रेतर्फ जाँदै गरेको ग प्र ००३–००१ प ०३१० नम्बरको मोटरसाइकल दुर्घटना हुँदा दुई जनाको घटनास्थलमै मृत्यु भएको र मृत्यु हुने आमाछोरा रहेको जिल्ला प्रहरी कार्यालय तनहुँका प्रहरी नायब उपरिक्षक अशोक थापाले जनाएको छ ।
उनका अनुसार तनहुँको ऋषिङ गाउँपालिका–६ चालिसे घर भई हाल व्यास नगरपालिका–५ पाटन बस्ने १९ वर्षीय सन्दिप आले र ४० वर्षीया मधुमाया आलेको दुर्घटनमा मृत्यु भएको हो ।
सवारी चालकले नियन्त्रण गुमाई सडकको बायाँतर्फको कल्भर्टमा ठोक्किएर मोटरसाइकल दुर्घटना भएको तनहुँ प्रहरीले जनाएको छ ।
