भानुको राष्ट्रपति रनिङ शिल्डको उपाधि विद्यानिकुञ्ज मावि वयापानीले जित्यो
भानु : तनहुँको भानु नगरपालिकाको नगरस्तरीय खेलकुद विकास समितिले सञ्चालन गरेको छैठौं राष्ट्रपति रनिङ शिल्ड प्रतियोगिताको उपाधि भानु–१२ वयापानीको विद्यानिकुञ्ज माध्यमिक विद्यालयले जिन्त सफल भएको छ ।
वडा नं. ९ काउरेटार स्थित खेलकुद मैदानमा आयोजित प्रतियोगितामा विद्यानिकुञ्ज माविले कूल ३० स्वर्ण पदकहरू मध्ये ६ स्वर्ण, १ रजत र २ कास्य पदक जम्मा ९ पदक प्राप्त गरी विजेता बनेको हो ।
उक्त प्रतियोगितामा कालिका मावि भानु–९ डुम्रिखर्कले ५ स्वर्ण, ६ रजत र ४ कास्य पदक जितेर दोस्रो स्थान प्राप्त गरेको छ भने कर्मदा मावि भानु–९ वाइसजंघारले ४ स्वर्ण र ३ रजत पदक सहित तेस्रो स्थान हासिल गरेको छ ।
प्रतियोगितामा कूल २४ विद्यालयहरूले सहभागिता जनाएका थिए र १६ विद्यालयहरूले कुनै न कुनै पदक जित्न सफल भए । विद्यालयहरु प्राप्त गरेको पदक तालिका यस प्रकार रहेको छ ।
प्रथम स्थान प्राप्त विद्यालय विद्यानिकुञ्ज माविले नगद रु २५,०००, ट्रफि र प्रमाणपत्र प्राप्त गरेको छ भने दोस्रो र तेस्रो स्थानका विद्यालयहरूले क्रमशः रु २०,००० र रु १५,००० नगद, ट्रफि र प्रमाणपत्र प्राप्त गरेका छन् ।
