निर्वाचन क्षेत्रका जनतासंग सांसद सिग्देलको अन्तरक्रिया : विकासका लागि बजेट अभाव हुँदैन
- भञ्ज्याङ समाचारदाता (दमौली)
तनहुँ निर्वाचन क्षेत्र नं. २ का प्रतिनिधिसभा सदस्य एवं नेपाल कम्यूनिष्ट पार्टी (नेकपा) तनहुँका अध्यक्ष केदार सिग्देलले आफ्नो निर्वाचन क्षेत्रका जनतासंग भेटघाट गरी अन्तरक्रिया गरेका छन् ।
निर्वाचनका समयमा जनतासंग गरिएको प्रतिवद्धताहरु पुरा गर्न लागि परेका सांसद सिग्देलले जनताको घरदैलोमा पुगि विकास निर्माणका कामका विषयमा छलफल एवं अन्तरक्रिया गरेका हुन् ।
कोरोना संक्रमण जोखिमलाई ख्याल गदै आवश्यक स्वास्थ्य सुरक्षाको मापदण्ड पालना गरी सांसद सिग्देलले जनअपेक्षा र सरकारले गरेका काम कारवाहीका बारेमा जनतासँगको धारणा बुझन र वुझाउन लागि परेका छन् ।
जनतासँग भेटघाट गर्ने क्रममा सासंद सिग्देलले व्यास-५ मा रहेको पराशर गुफा, पाटनको झोलुङ्गे पुल, पराशर आश्रम, पाटन खेलमैदानका अवलोकनका साथै पाटनमा जनतासँग गुनासो सम्वोधन गरेका थिए । यसैगरि सासंद सिग्देलले चापाघाट-कण्टार खानेपानी आयोजनाका सहभागीहरुसँग विकास निर्माण र अगामी दिनमा खेल्ने भुमिकाका विषयमा सुझाव मागेका थिए । जनचाहना बुझनका लागि जनताको घरदैलोमा पुगेर गुनासो सुनेका सासंद सिग्देलले बताएका छन् ।
कार्यक्रममा सासंद सिग्देलले विकास निर्माणमा कुनै पनि पक्षपात नगरिने बताएका छन् । कण्टार-चापाघाट खानेपानी संस्थाबाट आयोजित कार्यक्रमलाई सम्वोधन गर्दे विकासमा कुनै पनि राजनीति नगरिने र गर्न नहुने बताए । लोकतन्त्रको सुन्दर पक्ष नै सबैको समान अस्तित्व र अधिकार भएको बताउँदै उनले जनताको समस्या समाधानका लागि सक्दो पहल गर्ने प्रतिवद्धता जनाए ।
संस्थाका अध्यक्ष बलभद्र खनालको अध्यक्षतामा आयोजित कार्यक्रममा विनियोजित बजेट कार्यन्वयनका लागि स्थानीय नै चनाखो हुनुपर्ने बताउँदै सासंद सिग्देलले विकासमा बजेटको कमि नहुने बताए ।
यस्तै, सासंद सिग्देलले सो अवसरमा पतेनीको आमा समुह, उदय माध्यामिक विद्यालयको भवन निर्माणको अवलोकन समेत गरेका थिए ।
