भिमादको पाँचौ मेयर कप : अन्तरपालिका पुरुष तथा क्लव स्तरीय महिला भलिबल प्रतियोगिता
भञ्ज्याङ न्यूज
तनहुँको भिमाद नगरपालिकाले पाँचौ मेयर कप पुरुष तथा महिला भलिबलि प्रतियोगिता गर्ने भएको छ । नगरपालिकाको आयोजना तथा नगर खेलकुद विकास समितिको संयोजनमा नेपालको राष्ट्रिय खेल भलिबलको विकास तथा नयाँ प्रतिभावन खेलाडी उत्पादन गर्ने उद्देश्यले उक्त प्रतियोगिता गर्न लागेको हो ।
नगरपालिकाले बिगतका वर्षहरु जस्तै यस वष ‘पाँचौ भिमाद मेयर कप अन्तरपालिका स्तरीय पुरुष भलिबल तथा क्लव स्तरी खुल्ला महिला भलिवल प्रतियोगिता-२०७८’ आयोजना गरेको नगरप्रमुख मेखबहादुर थापाले जानकारी गराए ।
नगरपालिकाले आयोजना गरेको पुरुष तथा महिला भलिबल प्रतियोगिताका लागि फागुन २२ देखि २७ गतेसम्म टिमदर्ताको मिति तोकेको छ । चैत्र १ गतेबाट भिमाद रंगशालामा प्रतियोगिता सञ्चालन गरिने खेल संयोजक प्रेम बहादुर थापाले बताए ।
पुरुष तर्फको प्रतियोगितामा प्रथमलाई नगद एक लाख रुपैयाँ, द्धितीयलाई नगद ७५ हजार रुपैयाँ र तृतीय हुने प्रतियोगीलाई नगद ५० हजार रुपैयाँका साथमा मेडल र प्रमाणपत्रद्वारा पुरस्कृत गरिने खेल संयोजक थापाले जानकारी गराए ।
यस्तै, महिला तर्फहुने क्लवस्तरीय खुल्ला भलिबल प्रतियोगितामा प्रथमलाई नगद ७५ हजार रुपैयाँ, द्धितीयलाई ५० हजार रुपैयाँ र तृतीयलाई नगद ३० हजार रुपैयाँका साथमा मेडल र प्रमाणपत्रद्वारा पुरस्कृत गरिने भएको छ ।
