उपाधिका लागि आयोजक भिमाद र एलजी एशोसियशन भिड्ने

तनहुँको भिमाद रंगशालामा जारी भिमाद अर्ना कपको उपाधिका लागि फाइनलमा आयोजक भिमाद र एलजी एशोसियशन खेल्ने भएका छन् ।

मंगलबार भएको सेमिफाइनल खेलमा भिमादले पेनाल्टी सुट आउटमा संगम एफसीलाई ५-४ गोल अन्तरले पराजित गरेको हो । निर्धातिर ९० मिनेटको समयमा दुवै टोलीबाट १/१ गोल भएपछि खेल अतिरिक्त समयमा धकेलिएको थियो। अतिरिक्त समयमा दुवै टिमबाट थप गोल हुन नसक्दा खेल पेनाल्टीमा गएको थियो ।

खेलमा भिमादका सुसन श्रेष्ठले पहिलो हाफको १६ मिनेटमा टिमको लागि उत्कृष्ट गोल गरेका थिए । लिएको थियो । त्यस्तै खेलको २३ औँ मिनेटमा संगमका लागि विश्यु थापाले हेडमार्फत उत्कृष्ट गोल गर्दै खेललाई बराबरीमा ल्याएका थिए । अन्ततः थप गोल हुन नसक्दा पेनाल्टीमार्फत आयोजक भाग्यमानी सावित भएको हो । आयोजक भिमादका खेलाडी स्थानीय उत्पादन भएको आयोजकले दाबी गरेको छ ।

त्यस्तै, मंगलबार भएको पहिलो सेमिफाइनलमा तनहुँ ११ दमौलीलाई १-० गोलले पराजित गर्दै एलजी एशोसियशन फाइनल प्रवेश गरेको हो । तनहुँ ११ ले पहिलो हाफामा गोल गर्दै अग्रता लिएको थियो ।

तनहुँ-११ ले पहिलो हाफको प्रदर्शनलाई कायम राख्न नसक्दा एलजीले उत्कृष्ट पुनरागमन गर्दै दोस्रो हाफमा दुइ गोल गरेको हो । अन्तिम अतिरिक्त समयमा पाएको फ्रि किकमा आशिष गुरुङले उत्कृष्ट गोल गर्दै टिमलाई फाइनल पुर्‍याएका हुन् । फाइनल खेल भोलि दिउँसो १ बजे सुरु हुनेछ । प्रतियोगिताको विजेताले नगद रु २ लाख २२ हजार २२२, ट्रफि, मेडल र प्रमाणपत्र पाउनेछ भने उपविजेताले नगद रु. १ लाख ११ हजार १११ सहित ट्रफि, मेडल र प्रमाणपत्र हात पार्नेछ ।