भिमादमा नियमित एचपीभी खोप अभियानबारे अन्तरक्रिया
भिमाद : तनहुँको भिमाद प्राथमिक स्वास्थ्य केन्द्रमा नियमित एचपीभी खोप अभियान–२०८३ लाई प्रभावकारी बनाउने उद्देश्यले सरोकारवालाबीच अन्तरक्रिया गरिएको छ ।
कार्यक्रममा वडा स्तरीय खोप समन्वय समिति अध्यक्ष तथा भिमाद नगरपालिका–६ का वडाध्यक्ष श्यामसुन्दर जोशी, सदस्यहरू बेलबहादुर थापा, पदमकुमार श्रेष्ठ र कोपिला नेपाली, भीमाद प्राथमिक स्वास्थ्य केन्द्रका प्रमुख डा. सुदन अधिकारी, डा. विपिन अधिकारी, शिक्षक, स्वास्थ्यकर्मी, महिला स्वास्थ्य स्वयंसेविका, टोल विकास संस्थाका प्रतिनिधिलगायत सरोकारवालाको सहभागिता थियो ।
अन्तरक्रियामा नियमित एचपीभी खोप अभियानको आवश्यकता, खोप सञ्चालनको प्रक्रिया तथा अभियानलाई प्रभावकारी र व्यवस्थित बनाउने उपायबारे छलफल गरिएको थियो ।
कार्यक्रममा एचपीभी खोपसम्बन्धी सही र आवश्यक जानकारी समुदायस्तरसम्म पु¥याउँदै लक्षित समूहलाई खोपमा सहभागी गराउन स्वास्थ्यकर्मी, शिक्षक, महिला स्वास्थ्य स्वयंसेविका तथा सम्बन्धित निकायबीच प्रभावकारी समन्वय आवश्यक रहेकोमा जोड दिइएको थियो ।
सरोकारवालाले खोपबारे समुदायमा रहेका भ्रम तथा अन्योल हटाउन तथ्यमा आधारित सूचना प्रवाह गर्नुपर्नेमा समेत जोड दिएका थिए । स्थानीय तह, स्वास्थ्य संस्था, विद्यालय र समुदायबीचको सहकार्यबाट अभियानलाई थप प्रभावकारी बनाउन सकिने सहभागीहरूको भनाइ थियो ।
