आँबुखैरेनी गाउँपालिका : कृषि, पर्यटन प्राथमिकतामा

तनहुँको आँवुखैरेनी गाउँपालिकाले आगामी आर्थिक वर्षो नीति तथा कार्यक्रममा कृषि, पर्यटन लगायतका क्षेत्रलाई प्राथमिकतामा राखेको छ । कोरोना संक्रमणका कारण रोजगारी गुमाएर गाउँ फर्किएका युवालाई कृषि पेशामा संलग्न गरी कृषि उत्पादन प्रवर्द्धनका लागि विभिन्न पकेट क्षेत्रमा विभिन्न कार्यक्रम गर्ने गाउँपालिकाका अध्यक्ष गिरबहादुर थापाले बताए । उक्त गाउँसभामा बाँझो जमिनमा खेती, किसानलाई बिमा तथा संकलन केन्द्रमार्फत किसानको उत्पादन सोझै बजार ल्याउने गरी कार्यक्रम घोषणा गरिएको छ । एकिकृत कृषि उत्पादन प्रणालीलाई प्राथमिकतामा राखेको छ ।

यस्तै, आव ०७८/०७९ मा गाउँपालिकाको चर्चित पर्यटकीय केन्द्र छिम्केश्वरीसम्म सडक पहुँच सहित मन्दिरको निर्माण कार्यलाई पूर्णता दिने नीति तथा कार्यक्रम गाउँपालिकाले ल्याएको छ । गाउँपालिकाले ८० कटेका ज्येष्ठ नागरिक तथा सुत्केरीलाई एम्बुलेन्स सुविधा दिने र खेलप्रेमीका लागि गाउँपालिकास्तरीय रंगशालासहित निर्माणलाई पनि जोड दिएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर