भानुमा सार्वजनिक सुनुवाइ, सेवा सुधार्न नागरिकका सुझाव
भानु : तनहुँको भानु नगरपालिकाले बुधबार सार्वजनिक सुनुवाइ कार्यक्रम गरेको छ । कार्यक्रममा आर्थिक वर्ष २०८२/८३ मा नगरपालिकाले सञ्चालन गरेका विकास निर्माणका योजना, सार्वजनिक सेवा प्रवाह तथा विभिन्न शाखाबाट सम्पादन गरिएका कामको प्रगति विवरण प्रस्तुत गरिएको थियो ।
प्रस्तुत विवरणमाथि सहभागी नागरिकले जिज्ञासा, सुझाव तथा गुनासा राख्दै विकास निर्माणलाई आवश्यकतामुखी बनाउन, सेवा प्रवाह सहज बनाउन तथा सुशासन, पारदर्शिता र जवाफदेहिता कायम गर्न नगरपालिकाको ध्यानाकर्षण गराएका थिए । नागरिकका सुझाव तथा गुनासालाई आगामी योजना र कार्यक्रममा समेट्दै सेवा प्रवाहलाई थप प्रभावकारी र नागरिकमैत्री बनाउने विषयमा छलफल गरिएको थियो ।
सार्वजनिक सुनुवाइले स्थानीय सरकारका कामकारबाहीबारे नागरिकलाई जानकारी गराउनुका साथै जनप्रतिनिधि र कर्मचारीलाई जवाफदेही बनाउन सहयोग पु¥याउँछ । नागरिकका गुनासा र सुझावलाई व्यवहारमै सम्बोधन गर्न सके विकास निर्माण र सार्वजनिक सेवा प्रवाहमा सुधार आउने अपेक्षा गरिएको छ ।
