दिपावलीको अवसरमा म्याग्देमा साँस्कृतिक कार्यक्रम हुने

नेपालीहरुको दोश्रो ठूलो पर्व तिहार अर्थात दिपावलीका अवसरमा तनहुँको म्याग्देमा साँस्कृतिक कार्यक्रम गरिने भएको छ। म्याग्दे-२ को शिव शक्ति युथ क्लव पिपडिहीले चर्चित कलाकारहरुको उपस्थितिमा कात्तिक १७ गते साँस्कृतिक कार्यक्रम गर्न लागेको हो । क्लबको १४औँ वार्षिकोत्सवका अवसरमा आयोजित साँस्कृतिक कार्यक्रममा बिन खाति सहित कृष्ण सुवेदी, सरस्वती लामिछाने, साजना बास्तोला, मिठ्ठु झा लगायतका कलाकारहरुको प्रस्तुती रहने बताइएको छ ।

यस्तै, कात्तिक १८ गते नवपसले युवा क्लवले पनि पसलेमा विविध साँस्कृतिक कार्यक्रम गर्ने भएको छ । चाडपर्वले सबैलाई राष्ट्रिय एकता, शान्ति र सद्भाव कायम राख्न मद्दत पुग्ने हुँदा त्यसैलाई मध्यनजर गरी साँस्कृतिक कार्यक्रम गर्न लागिएको क्लवका अध्यक्ष आशिष श्रेष्ठले बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर