तनहुँ प्रहरीद्वारा लागुऔषध सहित एक पक्राउ
भञ्ज्याङ समाचारदाता/ दमौली
तनहुँको सदरमुकाम दमौलीस्थित भोर्लेटारचोकबाट लागुऔषध सहित एक व्यक्तिलाई तनहुँ प्रहरीले पक्राउ गरेको छ । पोखरा महानगरपालिका-१४ भानुभक्त चोक बस्ने १८ वर्षीय सुन्दर विकलाई पक्राउ गरिएको जिल्ला प्रहरी कार्यालय तनहुँले जनाएको छ ।
प्रहरीले गएराति पृथ्वीराजमार्गस्थित व्यास-२ भोर्लेटारचोकमा खटिएको प्रहरी टोलीले शंका लागि चेकजाँच गर्ने क्रममा विक पक्राउ गरेको हो । प्रहरीले निजको साथबाट २४३ चक्की नाइट्राभेट बरामद गरेको छ । पक्राउ परेकाविरुद्ध आइतबार तनहुँ अदालतबाट लागुऔषध मुद्दामा दश दिनको म्याद थप गरी अनुसन्धान प्रक्रिया अगाडि बढाइएको प्रहरीले जनाएको छ ।
