भानु नगरपालिकाका बालबालिकाहरु बीच नगरस्तरीय अतिरिक्त क्रियाकलाप

तनहुँको भानु नगरपालिकाका विद्यालयका बालबालिकहरु बीच नगरस्तरी अतिरिक्त क्रियाकलाप प्रतियोगिता गरिएको छ। नगरपालिकाको शिक्षा, युवा तथा खेलकुद शाखा तीनवटा केन्द्रमा नगरस्तरीय अतिरिक्त क्रियाकलाप प्रतियोगिता गरेको हो ।

आधारभूत तह कक्षा ६-८ को गायन तथा नृत्य, कक्षा ४-५ का लागि हिसाब दौड र कक्षा १-३ का लागि चित्रकला प्रतियोगिता गरिएको नगर शिक्षा अधिकारी ध्रुवराज पौडेलले बताए । उनले भने, ‘बालबालिकामा रहेको अन्तरनिहित प्रतिभा प्रस्फुटन गर्नुका साथै उनीहरूमा सिर्जनशीलताको विकासमा थप हौसला र प्रेरणा दिने उद्देश्यले प्रतियोगिता सञ्चालन गरिएको हो ।’

भानु नगरपालिकाको आन्तरिक स्रोतबाट सञ्चालन गरिएको चालू आर्थिक वर्षको वार्षिक कार्य अन्तर्गत आयोजित प्रतियोगितामा पुर्वी क्षेत्रको चोक माध्यमिक विद्यालय भानु-१० रामपुरटारमा, मध्य क्षेत्रको होमराज लोहनी शारदा शिक्षा सदन माध्यमिक विद्यालय भानु-२ नारेश्वरटारमा र पश्चिम क्षेत्रको चन्द्रावती माध्यमिक विद्यालय भानु-७ चुँदीमा सम्पन्न गरिएको शिक्षा अधिकारी पौडेलले बताए ।

नगरपालिकाको शिक्षा, युवा तथा खेलकुद शाखाले चोक मावि रामपुरटार केन्द्रमा सञ्चालन गरेको गायन तथा नृत्य (कक्षा ६-८) प्रतियोगितामा चोक मावि प्रथम, कालिका मावि डुम्रिखर्क भानुु-९ द्धितीय र राष्ट्रिय मावि मयाखु भानु-११ तृतीय हुन सफल भएको थियो । त्यस्तै, हिसाब दौड प्रतियोगिता (कक्षा ४-५) प्रथम सुवर्ण मल्ल ठकुरी, पुर्कोट ल्याण्ड स्टार इ बो बाइसजँघार, द्वितीय आयुष ढुङ्गाना, त्रिभुवन मावि मानेचौका र सन्देश न्यौपाने, जनजागृति मावि तुरतुरे तृतीय हुन सफल भएका छन् ।

यस्तै, सोही केन्द्रमा आयोजित चित्रकला प्रतियोगिता (कक्षा १-३) को प्रथम दिप्सना नेपाली, चोक मावि रामपुरटार, द्वितीय विवश परियार, निर्जला आवि देउरालीटार र प्रतिज्ञा बसेल, जनजागृति मावि चोकचिसापानी हुन सफल भएका छन् ।
होमराज लोहनी शारदा शिक्षा सदन माध्यमिक केन्द्रमा आयोजित गायन तथा नृत्य हो रा लो शाशिस मावि नारेश्वरटार प्रथम, शान्ति आवि खातीथोक द्धितीय र मनकामना सामुदायिक विद्या मन्दिर तृतीय हुन सफल भएका छन् ।

सोही केन्द्रमा भएको हिसाब दौड प्रतियोगितामा दिवासिस सिग्देल, फिस्टेल मावि भानु-१ प्रथम, सरस्वती क्षेत्री, मनकामना सामुदायिक विद्या मन्दिर द्धितीय र प्रियङ्का राना, मर्स्याङ्दी आवि खहरे तृतीय हुन सफल भएका छन् । यस्तै, चित्रकला प्रतियोगितामा निरञ्जन सुनुवार, फिस्टेल मावि प्रथम, सिमरन परियार, मनकामना सामुदायिक विद्या मन्दिर द्धितीय र अमित सुनार, विश्वज्योति प्रावि भकुन्थोक तृतीय भएका छन् ।

चन्द्रावती मावि चुँदी केन्द्रमा आयोगित गायन तथा नृत्य प्रतियोगितामा राष्ट्रिय आवि कवाजित भानु-१२ प्रथम, सहरामज्योति मावि द्धितीय र भानु संस्कृत मावि चुँदीगाउँ तृतीय भएका थिए । हिसाब दौड प्रतियोगितामा समिता मजकोटी, चन्द्रावती मावि प्रथम, आयुष परियार, सहरामज्योति मावि द्धितीय र एजीना खातुन, जनसहयोगी मावि समजुर तृतीय हुन सफल भएका छन् ।

यस्तै, चित्रकला प्रतियोगितामा अंकीत बसेल, भानु संस्कृत मावि प्रथम, साहिल विक, राष्ट्रिय आवि कवाजित द्धितीय र किसन परियार, चण्डिकालाल अमर प्रावि चन्दनी तृतीय भएका छन् । प्रतियोगिताका विजयी विद्यार्थीलाई नगद तथा प्रमाणपत्र प्रदान गरिएको छ ।

गायन तथा नृत्यको प्रथम, द्वितीय र तृतीय हुने टिमलाई क्रमशः ६ हजार ५००, ५ हजार ५०० र ४ हजार ५०० रुपैयाँ र प्रमाणपत्र प्रदान गरिएको छ । त्यसैगरी हिसाब दौडमा विजयी विद्यार्थीलाई क्रमशः १ हजार ५००, १ हजार २००, १ हजार रुपैयाँ र प्रमाणपत्र प्रदान गरिएको छ भने चित्रकला प्रतियोगिताका विजयी विद्यार्थीलाई क्रमशः १ हजार २००, १ हजार र ८०० रुपैयाँ र प्रमाणपत्रद्वारा पुरस्कृत गरिएको नगर शिक्षा अधिकारी पौडेलले जानकारी गराए ।

सेयर गर्नुहोस्

प्रतिक्रिया दिनुहोस्

सम्बन्धित खवर