चैत्र २४ गतेदेखि वैशाख ५ गतेसम्म शुक्लागण्डकी महोत्सव हुने
भञ्ज्याङ समाचारदाता/दमौली
तनहुँको शुक्लागण्डकी नगरपालिकामा यही चैत्र २४ देखि २०७९ वैशाख ५ गतेसम्म शुक्लागण्डकी महोत्सव-२०७८ सञ्चालन हुने भएको छ । शुक्लागण्डकी उद्योग वाणिज्य संघले नयाँ वर्ष २०७९ लक्षित गरी महोत्सव सञ्चालनको तयारी गरेको अध्यक्ष हरिकुमार श्रेष्ठले जानकारी गराए ।
‘आर्थिक, व्यवसायिक, कृषि, पर्यटन तथा खेलकुद विकासका पूर्वाधार, शुक्लागण्डकी महोत्सव समृद्ध शुक्लागण्डकीको आधार’ भन्ने नाराका साथ महोत्सव सञ्चालन गर्न लागिएको हो । आयोजकले जिल्ला प्रशासन कार्यालयबाट महोत्सव लक्षित सुरक्षा व्यवस्थापनको अनुमति समेत लिएको अध्यक्ष श्रेष्ठले बताए ।
