यात्रुवाहक बसबाट लागुऔषध सहित दुइ पक्राउ
भञ्ज्याङ समाचारदाता/दमौली
पृथ्वीराजमार्ग अन्तर्गत तनहुँको आँबुखैरेनी गाउँपालिका-४ देवीटारमा यात्रुवाहक बसबाट लागुऔषध सहित दुइ जना पक्राउ परेका छन् । पक्राउ पर्नेमा रुपन्देही देवदह नगरपालिका-१२ बस्ने २० वर्षीय सहरे आलम र ओमसतिया गाउँपालिका-५ बस्ने ३६ वर्षीय सुनिल कोहार रहेको जिल्ला प्रहरी कार्यालय तनहुँले जनाएको छ ।
भैरहवाबाट पोखरा आउँदै गरेको लु २ ख ११०४ नम्बरको यात्रुवाहक बसमा सवार सहरे आलमले बोकेको कालो झोलाबाट लागुऔषध बरामद गरिएको प्रहरी नायब उपरिक्षक युवराज खड्काले जानकारी दिए ।
प्रहरीले ब्रोनोरफाइन ४९ एम्पुल, फेनरागन ५० एम्पुल र डाइजोपाम ४८ एम्पुल गरी जम्मा एक सय ४७ एम्पुल लागूऔषध बरामद गरिएको छ । पक्राउ परेका विरुद्ध सोमबार जिल्ला अदालतमा आठ दिनको म्याद थप गरिएको छ ।
