भानुको शिक्षाको अवस्था सुधार गर्न प्रतिबद्ध : नगरप्रमुख त्रिपाठी

भानु नगरपालिकाका प्रमुख आनन्दराज त्रिपाठीले शिक्षाको अवस्था सुधार गर्न आफू प्रतिबद्ध रहेको बताएका छन् । भानु नगरस्तरीय सामुदायिक विद्यालयका प्रधानाध्यापकको सोमबार आयोजित मासिक बैठकलाई सम्बोधन गर्दै त्रिपाठीले प्रअहरुको सुझाव तथा पृष्ठपोषण्का आधारमा नीति तथा कार्यक्रम तय गरिने बताए । शिक्षा क्षेत्रको विकासका लागि सरकारी निकायका अतिरिक्त अन्य राष्ट्रिय एवं अन्तर्राष्ट्रिय संस्थाहरूको स्रोत र विज्ञतालाई पनि परिचालन गर्ने आफ्नो योजना रहेको उनले बताए ।

बैठकमा नगर शिक्षा अधिकारी ध्रुवराज पौडेलले भानुको समग्र शैक्षिक अवस्था, असल अभ्यासहरू, शैक्षिक समस्या तथा विद्यालयको अपेक्षा र तत्काल सम्पादन गर्नुपर्ने विषयका बारेमा प्रस्तुतीकरण गरेका थिए । प्रअहरूले विद्यालयका समग्र शैक्षिक समस्याहरू र नगरपालिकासँग राखिएका अपेक्षाहरू प्रस्तुत गर्दै नगरपालिकाको आगामी आवमा तय गरिने नीति तथा कार्यक्रम र बजेटमा शिक्षा क्षेत्रलाई उच्च प्राथमिकतामा राख्नुपर्ने सुझाव दिएका थिए ।

सेयर गर्नुहोस्

प्रतिक्रिया दिनुहोस्

सम्बन्धित खवर