तनहुँको भानुका बाढीपहिरो पीडितको अवस्था बुझ्न खट्टएि पूर्वमन्त्री भण्डारी
भञ्ज्याङ न्यूज
आफन्तलाई गुमाउनुको पीडा सबैलाई असहृय हुन्छ । तनहुँको भानु नगरपालिका-११ सुन्दरवस्तीकी ५८ वर्षीया सुकमाया गुरुङलाई अविरल वर्षा आँसुमा परिणत भएको छ । जेठ गते अविरल वर्षासँगै आएको बाढीले श्रीमान् ६० वर्षीय चन्द्रबहादुर गुरुङलाई ढाँड खोलाले बगाएर बेपत्ता बनाएपछि सुकमायाको आँशु थामिएका छैनन् ।
बाढी पीडितको अवस्था बुझ्नका लागि आज आइतबार पूर्वमन्त्री एवं नेपाली कांग्रेसका केन्द्रीय सदस्य शंकर भण्डारी सुन्दरवस्ती पुगेका थिए । उनले पीडामा परेका परिवारलाई सानत्वना दिंदै भने, ‘दुःखमा नआत्तिन र मन दह्रो बनाएर सहनुको विकल्प छैन आवास र गासको व्यवस्था हामी गर्र्छौ ।’
पीडामा परेकी सुकमायाको आर्थिक अवस्था कमजोर भएको र ओइलानी जग्गामा झुप्रो बनाएर बस्नु पर्ने बाध्यता र दैनिक ज्यालादारी काम गरेर परिवार पाल्ने श्रीमान नै बेपत्ता भएकाले पूर्वमन्त्री भण्डारीले व्यक्तिगत रुपमा २० हजार रुपैयाँ आर्थिक सहयोग समेत गरेका छन् ।
यस्तै, अविरल वर्षा र चट्याङ परेर घर भत्किएर पीडित बनेको सोही स्थानका अर्जुनबहादुर कुँवरको परिवारलाई पनि भेट गरी राहत तथा पुनःस्थापनाको लागि पहल गर्ने प्रतिवद्धता जनाएका छन् ।
पर्ूवमन्त्री भण्डारीले उक्त क्षेत्रका बाढी पहिरो पीडितहरुलाई भेटेर राहत तथा तत्काल पुनःस्थापनाका लागि पहल गर्ने प्रतिवद्धता जनाएका छन् ।
पहिरोले जोखिममा परेका विभिन्न विद्यालयको अवस्थाका विषयमा जानकारी लिंदै भण्डारीले विद्यार्थीको सिकाईलाई प्रभावित नपर्ने गरी सुरक्षित रुपमा पठनपाठन गराउने व्यवस्था मिलाउने बताएका छन् ।
भानु नगरपालिलकाका प्रमुख आनन्दराज त्रिपाठी र निर्वतमान प्रमुख उदयराज गौली, उपप्रमुख उमा गोतामे लगायतको टोली पनि बाढीपहिरो पीडितको अवस्था बुझ्नका लागि खट्टएिका थिए ।
