आदिकवि भानुभक्त क्याम्पसमा अभिभावक प्राध्यापक संघ गठन

तनहुँको दमौली स्थित आदिकवि भानुभक्त क्याम्पसमा अभिभावक प्राध्यापक संघको गठन गरिएको छ । क्याम्पस सञ्चालक समितिका अध्यक्ष बुद्धिमान श्रेष्ठको अध्यक्षतामा आयोजित भेलामा क्याम्पसमा अध्यापनरत प्राध्यापक र स्नातक तथा स्नातकोत्तर तहमा अध्ययनरत विद्यार्थीहरूका अभिभावकहरुको उपस्थितिमा संघ गठन गरेको हो ।

भेलाले व्यास-१२ निवासी लक्ष्मीकान्त मिश्रको संयोजकत्वमा संघको कार्यसमिति गठन गरेको छ । कार्यसमितिको सदस्यहरुमा अभिभावकका तर्फबाट सदस्यहरुमा विष्णु प्रसाद श्रेष्ठ हरिश्चन्द्र अधिकारी, बिन्दु ध्वज, आइसा खातुन, सिता आले र प्राध्यापकहरूको तर्फबाट सदस्यमा वीर बहादुर गुरुङ, चरित्र कार्की र विजयराज खनाल चयन भएका छन् ।

भेलामा क्याम्पसका अध्यक्ष बुद्धिमान श्रेष्ठले क्याम्पसलाई यस क्षेत्रको शैक्षिक केन्द्रको रुपमा विकास र विस्तार गर्न अभिभावकहरूको भूमिका महत्वपूर्ण हुने बताए । उक्त अवसरमा क्याम्पस सञ्चालक समितिका सदस्य एवं निवर्तमान अभिभावक प्राध्यपक संघ संयोजक सिर्जना तिवारी, समितिका सदस्य सुशीला शर्मा, क्याम्पस सञ्चालक समितिका सदस्यहरु खरसिंह दरै, चिज बहादुर दरै र विष्णु बहादुर बस्नेत, क्याम्पस प्रमुख महाप्रसाद हडखलेले अभिभावक प्राध्यापक संघ गठनको औचित्य र संघको काम कर्तव्य सम्बन्धमा आ-आफ्ना विचार व्यक्त गरेका थिए ।

सहायक क्याम्पस प्रमुख डा रामकुमार अधिकारीको संयोजकत्वमा सहायक क्याम्पस प्रमुख सागर पौडेल, नेपाल पब्लिक क्याम्पस प्राध्यापक संघ क्याम्पस इकाइका अध्यक्ष विजयराज खनाल, कक्षा ११/१२ का संयोजक चिरञ्जीवी बस्नेत र पुस्तकालय सहायक दल बहादुर दरै सदस्य रहेको निर्वाचन प्रबन्ध समितिले संघको कार्यसमिति चयन गरेको थियो ।

सेयर गर्नुहोस्

प्रतिक्रिया दिनुहोस्

सम्बन्धित खवर