तनहुँको म्याग्दे गाउँपालिका–१ लाई वालश्रम मुक्त वडा घोषणा

तनहुँको म्याग्देको वडा नं. १ लाई वालश्रम मुक्त वडा घोषणा गरिएको छ । वालश्रम मुक्त वडा घोषणा गर्दै गाउँपालिका अध्यक्ष श्रीप्रसाद श्रेष्ठले नेपालको सन्दर्भमा वालश्रम एउटा ठुलो चुनौती भएको बताए । सरकारले नै वालश्रम मुक्त घोषणा संवैधानमै व्यवस्था गरेता पनि यसको व्यवहारिक कार्यन्वयन नभएको चिन्ता व्यक्त गरे ।

अध्यक्ष श्रेष्ठले देशमा अनाथ, असहाय, गरिवले पिल्सिएका वालवालिका अझै पनि बाँच्नका लागि पूर्ण रुपमा श्रममा निर्भर हुनु अत्यन्त दुःखको विषय भएको बताए । यो वा त्यो बाध्यतामा वालवालिकाले श्रममा आश्रति हुनु भनेको संवैधानिक हक विपरित भएको हुँदा वालवालिकाको अधिकारमा राज्य र सम्वन्धित निकाय चनाखो हुनुपर्ने बताए ।

उनले कलिलै उमेरमा हातमुख जोर्नका लागि विभिन्न श्रममा जोडिनु बाध्यता भएता पनि वालवालिकाको पढ्न, लेख्न, खेल्न पाउने नैसर्गिक अधिकारमा स्थानीय सरकार साधक बन्नुपर्ने समेत बताए । एकीकृत हरित विकास संस्थाले गरेको काम अति नै स्रहानीय भएको हुँदा वडालाई वालश्रममुक्त घोषणा गरेर मात्र नहुने र अब त्यसको निरन्तरताको पक्षमा काम गर्नुपर्ने जोडदिए ।

वडा अध्यक्ष मणिभद्र वाग्लेको अध्यक्षतामा आयोजित कार्यक्रममा गाउँपालिकाका उपाध्यक्ष बालकृष्ण घिमिरेले अनाथ, असहाय र गरिवीको रेखामा रहेको वालवालिकाको अभिभावकत्व प्रदान गर्नु आम म्याग्देवासीको जिम्मेवारी भएको बताए । पालिका वालवालिकाको वृद्धि विकास, चेतनाको विकास, शिक्षा, स्वास्थ्य र रोजगारको सवालमा प्रष्ट रहेको र अगामी दिनमा पालिकालाई नै वालश्रममुक्त पालिका घोषणा गर्ने गरी काम अगाडि बढाएको बताए ।

एकीकृत हरित विकास संस्थाले गरेको अनुगमन तथा निरिक्षणबाट वडालाई वालश्रम मुक्त अभियान घोषणा गरिएको हो । संस्थाले वडाभरको टोल तथा क्षेत्रमा गएर वालवालिकाको अबस्थाको बारेमा अध्यन तथा अनुसन्धान गरेर वडालाई वालश्रममुक्त अभियान घोषणा गरिएको बताइएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर