गुणादीमा दुर्घटनाः चालक सहित ३ जना घाइते
पृथ्वीराजमार्ग अन्तरगत तनहुँको म्याग्दे गाउँपालिका–१ गुणादीमा शनिबार बिहान भएको दुर्घटनामा चालकसहित ३ जना घाइते भएका छन् ।
पोखराबाट दमौली तर्फ आउदै गरेको ना५ख ५३५९ नम्बरको बस रोकी राखेको अवस्थामा सोही दिशाबाट आउदै गरेको बाग्मती B AC 5740 नम्बरको कार बसको पछाडीको भागमा ठोक्किइ दुर्घटना भएको जिल्ला प्रहरी कार्यालयले जनाएको छ ।
दुर्घटनामा कार चालक जिल्ला कास्की पोखरा महानगरपालिका–२५ बस्ने बर्ष ३१ का बिकाश त्रिपाठी, कारमा सवार पोखरा–१६ बस्ने बर्ष ३२ का बिकास बानियाँ र पोखरा–१९ बस्ने बर्ष ३१ को संजिप भण्डारी घाईते भएको प्रहरीले बताएको छ।
घाइतेहरुको दमौली स्थित रत्नहरी मेमोरियल अस्पतालमा उपचार भइरहेको छ । उक्त घटना सम्बन्धमा थप अनुसन्धान भइरहेको जिल्ला प्रहरी कार्यालयले जनाएको छ ।
