म्याग्देका इन्द्रको तीन करोडको लगानिमा कालिज फर्म
भञ्ज्याङ न्यूज
तनहुँको म्याग्दे गाउँपालिका-३ वरभञ्ज्याङ खर्कमा तीन करोड रुपैयाँको लगानि गरी कालिज फर्म सञ्चालनमा ल्याइएको छ । गण्डकी कृषि फर्मका इन्द्र प्रसाद तिवारीले २२ रोपनी जग्गामा कालिज र्फम संचालन गरेका हुन् ।
१५ महिना अगाडीवाट शुरु गरिएको कालिज फर्ममा २ हजार ५०० वटा कालिज पालन गरिएको छ । गाउँमा नै कृषि र उत्पादनमा लागौ भनेर कालिज पाल्न शुरु गरेको सञ्चालक तिवारीले बताए । ‘केही समय पछि तरकारी खेती गर्ने योजना बनाएको छु’, उनले भने, ‘कालिजको अण्डालाई हृयाचरी गरी कालिज उत्पादन गरिएको छ ।
उत्पादन भएको अण्डाबाट यहि बच्चा उत्पादन गर्ने गरेको बताउँदै उनले भने, ‘हरेक कालिजले अण्डा दिनका लागि कम्तीमा ६ महिना पर्खन पर्दछ, त्यसपछि मात्र यसले उत्पादन दिन्छ ।’
कालिजलाई दाना र स्थानीय घाँस खुवाउँदै आइएको हुँदा कालिज अर्गानिक र स्वादिलो हुने गरेको उनि बताउँछन् । प्रति कालिज २ हजार ५ सय रुपैयाँमा भाले कालिज र १ हजार ८ सय रुपैयाँमा पोथी कालिज विक्री गर्दै आएका तिवारीले वताए ।
अण्डाको प्रति क्रेट ९ सयमा विक्री गर्ने गरिएको छ । ‘दैनिक ४ हजार रुपैयाँ बराबरको दानामा खर्च हुने गरेको छ’, उनले भने, ‘फर्ममा दैनिक १ हजार ५०० वटासम्म अण्डा उत्पादन हुन्छ ।’
कृषकलाई अनुदानका क्रममा गाउँपालिकाका अध्यक्ष, उपाध्यक्ष लगायतले सो गण्डकी कृषि फर्मको अनुगमन गरेका थिए । गरेमा सबै थोक हुन्छ, यसका लागि गर्ने आत्माविश्वास र हिम्मत चाहिन्छ बताउँदै गाउँपालिका अध्यक्ष श्रीप्रसाद श्रेष्ठले भने, ‘कृषकलाई उत्पादनमा जोड्न र समस्या समाधानका लागि पालिका सदैभ तत्पर रहेको छ ।’
२२ रोपनी जग्गामा शुरु गरिएको कालिज फर्ममा अण्डा र कालिज खरिदका लागि फर्ममानै पुग्ने गर्दछन् । ठुलो लक्ष्यका साथ काम गरिएको हुँदा अझ बढि लगानी गर्ने योजना बनाएका तिवारीले अव कृषि फर्म पनि शुरु गर्ने र सम्वन्धित निकायले व्यवसायिक रुपमा कृषि र व्यवसायिक र्फमका लागि उचित अनुदान र व्यवस्थापन गरिदिए सहज हुने बताएका छन् ।
