जनज्योति क्याम्पसको वार्षिकोत्सवमा रक्तदान, ४० जनाले गरे रक्तदान
भञ्ज्याङ न्यूज
तनहुँको भिमाद नगरपालिकाको जनज्योति क्याम्पसले १५औं वार्षिकोत्सवका अवसरमा बुधबार क्याम्पसले भिमादको लखनचोकमा रक्तदान कार्यक्रम गरेको छ ।
नेपाल रेडक्रस सोसाइटी, क्षेत्रीय रक्तसञ्चार सेवा कास्की, पोखराको प्राविधिक सहयोगमा आयोजित कार्यक्रममा ४० जना रक्तदाताहरुले रक्तदान गरेका छन् ।
क्याम्पस सञ्चालक समितिका अध्यक्ष एवं गण्डकी प्रदेश सभा सदस्य जीतप्रकाश आले र भिमाद नगरपालिकाका नगरप्रमुख दधिराज सुवेदीले पहिलो र दोस्रो रक्तदातालाई ब्लडब्याग हस्तान्तरण गरी कार्यक्रमको शुभारम्भ गरेका थिए ।
