सडक नबनाइदा यात्रुलाई सास्ति
तनहुँको आँबुखैरेनी गाउँपालिका–४ डम्पिङस्थित पृथ्वी राजमार्गमा सडक भासिएपछि सवारी आवागमन सहज बनाउन प्रहरीले आलोपालो प्रणाली लागू गरेको छ । सडक भासिएको वर्षदिन बढि हुँदा पनि पुनर्निर्माण नगरिदा मुग्लिन–आँवुखैरेनी सडक खण्डको यात्रा सास्तिपूर्ण बनेको छ । एकतर्फि सडक सञ्चालन हुँदा लामो समय जाम भएपछि जिल्ला प्रहरी कार्यालय तनहुँले सडक भासिएको स्थानमा प्रहरी परिचालन गरी सवारीसाधनलाई आलोपालो सञ्चालन गर्ने व्यवस्था मिलाइएको छ । सडकमा सवारी आवागमन व्यवस्थित र सहज बनाउन प्रहरीले आवश्यक सहजीकरण गरिरहेको जनाएको छ ।
तस्विर सौजन्य : जिल्ला प्रहरी कार्यालय तनहुँ/भञ्ज्याङ
