नारी दिवसमा जनप्रतिनिधि र कर्मचारी बीच डोरी तान्ने प्रतियोगिता

तनहुँको ऋषिङ गाउँपालिकाले ११३औं अन्तर्राष्ट्रिय नारी दिवसको अवसरमा महिला जनप्रतिनिधि र कर्मचारी बिच डोरी तान्ने प्रतियोगितामा गरेको छ । प्रतियोगितामा कर्मचारी विजयी भएका छन् । गाउँपालिकाकी उपाध्यक्ष गिनुमाया थापाको अध्यक्षतामा आयोजित कार्यक्रममा गाउँपालिका अध्यक्ष राजेन्द्रकृष्ण श्रेष्ठ, प्रमुख प्रशासकीय अधिकृत टिका बहादुर गोदारले विजेतालाई पुरस्कृत गरेका थिए । यस्तै, दिवसका अवसरमा गाउँपालिकाले ‘आजको आवश्यकता समुन्नत राष्ट्र निर्माणमा महिलाको सहभागिता’ भन्ने नाराका साथ खुल्ला लोकगित प्रतियोगिता गरेको छ । प्रतियोगितामा सुकेपोखरी आमा समुह वडा नं. २ प्रथम, ग्याजा आमा समुह वडा नं. १ द्धितीय, दिल आमा समुह वडा नं. ६ तृतीय र अकलादेवी आमा समुह वडा नं. ७, सहभागि महिला सञ्जाल समुह वडा नं. ३, राम्जाकोट आमा समुह वडा नं. ५ र जनशक्ति आमा समुह वडा नं. ६ ले सान्तवना स्थान प्राप्त गरेका छन् । विजेताहरुलाई क्रमशः २० हजार, १५ हजार, १२ हजार, ८ हजार र २ हजार रुपैयाँ प्रदान गरिएको छ । तस्विर : भञ्ज्याङ

सेयर गर्नुहोस्

प्रतिक्रिया दिनुहोस्

सम्बन्धित खवर