जन्मदिनमा पत्रकार महासंघलाई फ्रिज सहयोग
तनहुँको व्यास नगरपालिका–२ निवासी व्यवसायी सागर अधिकारीले छोराको जन्मदिनमा नेपाल पत्रकार महासंघलाई फ्रिज सहयोग गरेका छन् ।
अधिकारीले छोरा सुशासन अधिकारीको जन्मदिनको अवसरमा शुक्रबार नेपाल पत्रकार महासंघ तनहुँलाई फ्रिज सहयोग गरेका हुन् । अधिकारी नेशनल इलेक्ट्रोनिक्सका प्रोपाइटर हुन् ।
अनावश्यक खर्च गर्नुभन्दा सामाजिक संघसंस्थालाई सहयोग गरेर जन्मदिन मनाउन आफूलाई मन पर्ने सुशासन अधिकारीले बताए ।
पत्रकार महासंघ तनहुँका अध्यक्ष उज्वल पौडेलले महासंघलाई सम्झिएर सहयोग गरेकामा अधिकारीप्रति आभार व्यक्त गरे ।
