तनहुँको जनसंख्या ३,२१,१५३ : सबै भन्दा बढि जनसंख्या व्यासमा र कम घिरिङमा (कुन पालिकामा कति ?)
भञ्ज्याङ न्यूज
राष्ट्रिय तथ्याङ्क आयोगले शुक्रबार २०७८ मा गरेको जनगणनाको प्रतिवेदन सार्वजनिक गरेको छ । सार्वजनिक प्रतिवेदनको तथ्याङ्क अनुसार तनहुँको जनसंख्या ३ लाख २१ हजार १५३ रहेको छ ।
र्सार्वजनिक तथ्याङ्क अनुसार तनहुँको जनसंख्या घटेको देखाइएको छ । २०६८ मा जिल्लाको जनसंख्या ३ लाख २३ हजार २८८ थियो । तनहुँको जनसंख्या -०.०६ ले घटेको छ ।
यस्तै, तनहुँमा पुरुषको तुलनामा महिलाको जनसंख्य बढी रहेको छ । कुल जनसंख्यको ४६.७ प्रतिशत अर्थात १ लाख ४९ हजार ९७८ पुरुष रहेका छन् भने ५३.३ प्रतिशत अर्थात १ लाख ७१ हजार १७४ महिलाको जनसंख्य रहेको छ ।
जिल्लाको कुल जनसंख्याको लैङ्गिक अनुपात ८७.७४ पुरुष प्रति १०० महिला रहेको छ भने जनघनत्व प्रति वर्ग किमि २०८ रहेको छ ।
भानु नगरपालिका
सार्वजनिक तथ्याङ्क अनुसार भानु नगरपालिकाको जनसंख्या ४२ हजार ७९४ रहेको छ । जसमा १९ हजार ५१५ (४५.६ प्रतिशत) पुरुष र २३ हजार २८० (५४.४ प्रतिशत) महिला रहेका छन् ।
नगरपालिकाको कुल साक्षरता दर ७७.५ प्रतिशत रहेको छ । जसमा पुरुष ८७.२ प्रतिशत र महिला ६९.६ प्रतिशत साक्षर रहेको देखाइएको छ ।
व्यास नगरपालिका
जनगणनाको तथ्याङ्क अनुसार व्यास नगरपालिकाको जनसंख्य ७८ हजार ९३९ रहेको छ । यो जनसंख्य जिल्लाका अन्य पालिका भन्दा धेरै रहेको छ । व्यासमा पुरुष ३६ हजार १५५ (४५.८ प्रतिशत) र महिला ४२ हजार ७८५ (५४.२ प्रतिशत) जनसंख्य रहेको छ ।
व्यासको कूल साक्षरता दर ८५.३ प्रतिशत रहेको छ । जसमा ९१.६ प्रतिशत पुरुष र ८० प्रतिशत महिला साक्षर रहेको देखाइएको छ ।
म्याग्दे गाउँपालिका
म्याग्दे गाउँपालिकाको जनसंख्या २३ हजार ५७८ रहेको छ । सार्वजनिक तथ्याङ्क अनुसार म्याग्देमा पुरुष १० हजार ८९४ (४६.२ प्रतिशत) र महिला १२ हजार ६८५ (५३.८ प्रतिशत) जनसंख्या रहेको छ ।
म्याग्देको साक्षरता दर ८२.२ प्रतिशत रहेको छ । जसमा पुरुष ८९.४ प्रतिशत र महिला ७६.१ प्रतिशत साक्षर रहेको देखाइएको छ ।
शुक्लागण्डकी नगरपालिका
शुक्लागण्डकी नगरपालिकाको जनसंख्या ५५ हजार ६२० रहेको छ । जसमा पुरुष २५ हजार ८६४ (४६.५ प्रतिशत) र महिला २९ हजार ७५७ (५३.५ प्रतिशत) जनसंख्या रहेको छ ।
शुक्लागण्डकीको कूल साक्षरता दर ८६.८ प्रतिशत रहेको छ । जसमा पुरुष ९२.६ प्रतिशत र महिला ८१.८ प्रतिशत साक्षर रहेका छन् ।
भिमाद नगरपालिका
भिमाद नगरपालिकाको जनसंख्या २९ हजार २४८ रहेको छ । सार्वजनिक तथ्याङ्क अनुसार भिमादमा पुरुष १३ हजार ३९५ (४५.८ प्रतिशत) र महिला १५ हजार ८५२ (५४.२ प्रतिशत) जनसंख्या रहेको छ ।
भिमादको कूल साक्षरता दर ७९.७ प्रतिशत रहेको छ । जसमा पुरुष ८८.१ प्रतिशत र महिला ७२.८ प्रतिशत साक्षर रहेका छन् ।
घिरिङ गाउँपालिका
घिरिङ गाउँपालिकामा जिल्लाका अन्य पालिका भन्दा कम जनसंख्य रहेको छ । सार्वजनिक तथ्याङ्क अनुसार घिरिङ गाउँपालिकाको जनसंख्या १४ हजार ३३४ रहेको छ । जसअनुसार पुरुष ६ हजार ५६५ (४५.८ प्रतिशत) र महिला ७ हजार ७७० (५४.२ प्रतिशत) जनसंख्या रहेको छ ।
घिरिङको कूल साक्षरता दर ७३ प्रतिशत देखाइएको छ । जसमा पुरुष ८१.६ प्रतिशत र महिला ६५.९ प्रतिशत साक्षर रहेको देखाइएको छ ।
ऋषिङ गाउँपालिका
ऋषिङ गाउँपालिकाको जनसंख्या १७ हजार ९१८ रहेको छ । सार्वजनिक तथ्याङ्क अनुसार ऋषिङमा पुरुष ८ हजार २०६ (४५.८ प्रतिशत) र महिला ९ हजार ७१२ (५४.२ प्रतिशत) जनसंख्या रहेको छ ।
ऋषिङको कूल साक्षरता दर ७१.६ प्रतिशत रहेको छ । जसमा पुरुष ८०.९ प्रतिशत र महिला ६३.८ प्रतिशत साक्षर रहेका छन् ।
देवघाट गाउँपालिका
देवघाट गाउँपालिकाको जनसंख्या १४ हजार ५८४ रहेको छ । सार्वजनिक तथ्याङ्क अनुसार पुरुष ६ हजार ९७१ (४७.८ प्रतिशत) र महिला ७ हजार ६१३ (५२.२ प्रतिशत) जनसंख्य रहेको छ ।
देवघाटको कूल साक्षरता दर ७५.४ प्रतिशत रहेको छ । जसमा पुरुष ८४.२ प्रतिशत र महिला ६७.५ प्रतिशत साक्षर रहेको देखाइएको छ ।
बन्दिपुर गाउँपालिका
बन्दिपुर गाउँपालिकाको जनसंख्या १८ हजार ५३२ रहेको छ । सार्वजनिक तथ्याङ्क अनुसार पुरुष ८ हजार ८७७ (४७.९ प्रतिशत) रमहिला ९ हजार ६५५ (५२.१ प्रतिशत) जनसंख्या रहेको छ ।
बन्दिपुरको कूल साक्षरता दर ७९.५ प्रतिशत रहेको छ । जसमा पुरुष ८७.९ प्रतिशत र ७२.१ प्रतिशत महिला साक्षर रहेको देखाइएको छ ।
आँवुखैरेनी गाउँपालिका
आँवुखैरेनी गाउँपालिकाको जनसंख्या २२ हजार २५२ रहेको छ । सार्वजनिक तथ्याङ्क अनुसार पुरुष १० हजार ६१५ (४७.७ प्रतिशत) र महिला ११ हजार ६३७ (५२.३ प्रतिशत) जनसंख्या रहेको छ ।
आँवुखैरेनीको कूल साक्षरता दर ८२.१ प्रतिशत रहेको छ । जसमा पुरुष ८८ प्रतिशत र महिला ७६.८ प्रतिशत साक्षर रहेको देखाइएको छ ।
