तनहुँको बन्दिपुर-१ स्थित छाप नाहाला खानेपानीमा नयाँ कार्यसमिति चयन

तनहुँको बन्दिपुर गाउँपालिका-१ स्थित छाप नाहाला खानेपानी तथा सरसफाइ उपभोक्ता समितिको १०औं साधारण सभा तथा सातौं अधिवेशनले नयाँ कार्यसमिति चयन गरेको छ । अधिवेशनले उपभोक्ता समितिको अध्यक्षमा इमनाथ खनाललाई निर्वाचित गरेको छ ।

यस्तै, समितिको सदस्यहरुमा सन्ध्या सारु मगर, लक्ष्मी लामिछाने, परिमाया थापा, सुक्रकुमार श्रेष्ठ, प्रकाशचन्द्र देवकोटा, राजेश पिया, शिव श्रेष्ठ, बिन्दुकुमार श्रेष्ठ, बाबुराम श्रेष्ठ र गोबिन्दप्रसाद अधिकारी निर्वाचित भएको निर्वाचन समितिका संयोजक सुबोध अधिकारीले बताए ।

खानेपानी तथा सरसफाइ उपभोक्ता समितिका अध्यक्ष प्रशुराम अधिकारीको अध्यक्षतामा भएको १०औं साधारण सभा तथा सातौं अधिवेशन शनिबार जिल्ला समन्वय समिति तनहुँका प्रमुख शान्तिरमण वाग्लेले एक कार्यक्रमका बीच उद्घाटन गरेका थिए ।

प्रदेश सरकारले एकघर एक धारा अभियानलाई प्राथमिकता दिएको र लिफि्टङ प्रविधिबाट खानेपानीका लागि विद्युत उपयोग गरे वापतको महशुल नलाग्ने व्यवस्था समेत भएको जानकारी गराउँदै प्रमुख वाग्लेले सफा र स्वच्छ खानेपानी सबैको पहुँचमा पुर्‍याउनुपर्ने बताए ।

कार्यक्रममा बन्दिपुर गाउँपालिकाकी उपाध्यक्ष पञ्चमाया गुरुङ, राष्ट्रिय भूमि आयोग तनहुँका अध्यक्ष रामचन्द्र अधिकारी, खानेपानी कार्यालयका पूर्व प्रमुख इञ्जिनियर हरिदत्त पौडेल, वडा नं. १ का अध्यक्ष एवं गापाका प्रबक्ता शिबकुमार श्रेष्ठ, पूर्व अध्यक्ष हरिभक्त अधिकारी, वडा सदस्य विजय राना, पूर्व वडा सदस्य अमृत शाही, विष्णु डिसी, मदन थापाले आ-आफ्ना धारणा व्यक्त गरेका थिए ।

उपभोक्ता समितिको साधारणसभामा संस्थाका कोषाध्यक्ष राजु आलेले आर्थिक प्रतिवेदन पेश गरेका थिए भने सचिव केशर बहादुर थापाले सचिबको प्रतिवेदन प्रस्तुत गरेका थिए । कौशिनी छाप र भुकभुकेको मुलबाट पानी संकलन गरी फिल्टर गरेर बन्दिपुर-१ को अधिकाँश बस्ति, वडा नं. ४ को पृथ्वीराजमार्गसँग जोडिएका केही क्षेत्र र भानु नगरपालिकाको वडा नं. १ को कल्याणटार क्षेत्रमा गरी १ हजार १४८ घर धुरीमा खानेपानी वितरण हुँदै आएको इञ्जिनियर सुमन श्रेष्ठले बताए।

सेयर गर्नुहोस्

प्रतिक्रिया दिनुहोस्

सम्बन्धित खवर