आँवुखैरेनी-मुग्लिन सडक खण्ड एकतर्फी सञ्चालन
भञ्ज्याङन्यूज
पहिरोको कारण अबरुद्द पृथ्वीराजमार्गको तनहुँ अन्तर्गत आँवुखैरेनी-मुग्लिन सडक खण्ड एकतर्फी सञ्चालनमा आएको छ।
अविरल वर्षाका कारण शनिबार साँझ करिब ६:३० बजेको समयमा आँवुखैरेनी-४ ऐना पहरा स्थित पृथ्बीराजमार्ग सडक खण्ड माथिबाट पहिरो खस्न गई राजमार्ग सडक पूर्ण रुपमा अबरुद्ध भएको थियो ।
ठूल्ठूला ढुंगासहित झरेको पहिरो इलाका प्रहरी कार्यालय आबुँखैरेनी तनहुँबाट खटिएको बिपद् व्यवस्थापन प्रहरी टोली, स्थानीय पालिका एवं सडक डिभिजन कार्यालय तनहुँको सहकार्यमा करिब १ घण्टा २० मिनेटको निरन्तर प्रयासमा राजमार्ग सडक एकतर्फी रुपमा सञ्चालनमा ल्याइएको जिल्ला प्रहरी कार्यालय तनहुँका प्रहरी नायव उपरीक्षक मोहन बहादुर खाँणले जानकारी गराए ।
