व्यास-१० मा बजार अनुगमन
चार्डपर्व निजिकिएसंगै तनहुँका सरोकारवाला निकायले बजार अनुगमनको कामलाई तीब्रता दिएका छन् । व्यास नगरपालिका वडा नं. १० ले पनि वडा क्षेत्र भित्रका बजारहरुको अनुगमन कार्य अगाडि बढाएको छ । वडाको अनुगमन टोलीले बैरेनी, बोटेटारका विभिन्न पसलमा सोमबारबाट अनुगमन थालेको हो ।
अनुगमनको क्रममा सो क्षेत्रमा विभिन्न पसलहरु अनुगमन गरेको थियो । अनुगमनका क्रमममा अधिकांश पसल दर्ता नगरी संचालन गरेको पाइएको थियो । धेरै पसलहरु मापदण्ड विपरीत भेटिएको व्यास-१० का वडा सदस्य इश्वर पौडेलले बताए ।
अनुगमनका क्रममा दर्ता विना सञ्चालन भएका, इजाजत पत्र नलिई विक्री वितरण गरिएको भेटीएको वडा सदस्य यज्ञराज शर्माले बताए । व्यास-१० मा अनुगमनलाई निरन्तरता दिइने वडा कार्यालयले जनाएको छ । अनुगमनमा अधिकांश पसलहरुमा मूल्यसुची नराखेको पाईएकाले मूल्यसुची राख्न निर्देशन दिईएको वडा सचिव पुष्पराज आचार्यले बताए ।
लेभलिङ भएका खाद्य सामाग्री मात्र विक्री वितरण गर्न, दर्ता विना सञ्चालन नगर्न, व्यवस्थीत रुपमा खाद्य र अखाद्य समाग्रीहरु छुट्छुटै राख्न, म्याद गुज्रेका खाद्य सामाग्री विक्रि वितरण नगर्न, इजाजतपत्र लिएर मात्र सुर्तिजन्य पदार्थ र चुरोट विक्री वितरण गर्न, सरसफाईमा ध्यान दिन, दर्ता प्रमाणपत्र र वडामा व्यवसाय दर्ता गरेर पसल संचालन गर्न सुझाव दिईएको सचिव आचार्यले बताए।
