समन्वय समितिमा उम्मेदवार हुन इच्छुकसंग निवेदन माग
भञ्ज्याङ समाचारदाता/दमौली
नेपाली कांग्रेस तनहुँले जिल्ला समन्वय समितिमा उम्मेदवार हुन इच्छुकसँग निवेदन माग गरेको छ । पार्टी सभापति जितप्रकाश आलेको सभापतित्वमा सोमबार बसेको बैठकले समन्वय समितिमा उम्मेदवार हुन इच्छुकसँग जेठ ९ गतेभित्र निवेदनका लागि सूचित गर्ने निर्णय गरेको हो ।
समन्वय समितिको निर्वाचनका लागि असार १२ गते उम्मेदवारी दर्ता र १३ गते मतदानको कार्यक्रमको कार्यतालिका मुख्य निर्वाचन अधिकृतको कार्यालयले सार्वजनिक गरेको छ ।
बैठकले जिल्ला समन्वय समितिको निर्वाचन सम्पन्न भए लगत्तै हालै सम्पन्न स्थानीय निर्वाचनको समिक्षा र विजयी जनप्रतिनिधिहरुलाई बधाई तथा शुभकामना कार्यक्रम आयोजना गर्ने निर्णय गरेको प्रवक्ता हरि वाग्लेले जानकारी दिए ।
यस्तै, बैठकले काठमाडौं, पोखरा, चितवन र नवलपुरमा पार्टीको सम्पर्क समिति गठन गर्ने निर्णय गरेको छ । पार्टीको कार्ययोजना सम्वधमा, पार्टी संगठन, उद्देश्य र रणनीति जस्ता बुदामा समेटिएको चार वर्षीय कार्ययोजना स्वीकृत गरिएको वाग्लेले बताए ।
