पत्रकार लामिछानेलाई धम्की दिएकोप्रति महासंघद्वारा खेद व्यक्त

अनलाइन खबर र पब्लिक फोरके टेलिभिजनका संवाददाता सविन लामिछानेलाई सवारी चालक सुजन श्रेष्ठले धम्की दिएकोप्रति नेपाल पत्रकार महासंघ तनहुँले खेद व्यक्त गरेको छ ।

व्यास-६ सिन्धु मार्गमा चल्ने ग१ज ७५०५ नम्बरको सवारीसाधनले क्षमता भन्दा बढी यात्रु बोकेको समाचार प्रकाशन गरेपश्चात श्रेष्ठले लामिछानेलाई धम्की दिएको भन्दै खेद व्यक्त गरिएको हो ।

श्रेष्ठले लामिछानेको घरमा पुगी बाबुआमालाई गालीगलौज गरी ज्यान मार्ने धम्की दिएको जनाइएको छ । उक्त घटनाप्रति ध्यानाकर्षण भएको जनाउँदै महासंघले दोषीलाई कारवाहीको माग गरेको छ । लामिछानेले बुधबार जिल्ला प्रशासन कार्यालयमा निवेदन दिँदै जिउज्यानको सुरक्षाको माग गरेका थिए ।

सेयर गर्नुहोस्

प्रतिक्रिया दिनुहोस्

सम्बन्धित खवर