शुक्लागण्डकी नगरपालिकाले गरेको शिक्षक सरुवा अदालतद्वारा बदर
भञ्ज्याङन्यूज
तनहुँको शुक्लागण्डकी नगरपालिकाले गरेको शिक्षक सरुवा उच्च अदालत पोखराले बदर गरिदिएको छ । यसअघि अदालतले नगरपालिकाको निर्णय तत्काल कार्यान्वयन नगर्न आदेश दिएकामा मंगलबार फैसला सुनाउँदै उक्त निर्णय बदर गरेको हो ।
नगरपालिकाले शिक्षक सरुवा गरेको विरोधमा शिक्षकहरुले उच्च अदालतमा मुद्दा दायर गरेका थिए । शिक्षकले मुद्दा जितेपछि न्याय पाएको बताएका छन् ।
निवेदकका तर्फबाट वरिष्ठ अधिवक्ता हरिप्रसाद सुवेदी तथा विपक्षीमध्ये प्रमुख प्रशासकीय अधिकृत, शुक्लागण्डकी नगरपालिकाका तर्फबाट उच्च सरकारी वकिल कार्यालय पोखराका उपन्यायाधीवक्ता रामप्रसाद अधिकारी तथा अधिवक्ता दयाराम गौतमले बहस गरेका थिए ।
