तनहुँको भिमादमा जीप दुर्घटना (अपडेट) : २ जनाको मृत्यु, १० जना घाइते (घाइतेको नामावलीसहित)
तनहुँको भिमाद नगरपालिका-३ सुनाकोट बराथुम्कीमा आज बिहान भएको जीप दुर्घटनमा २ जनाको मृत्यु भएको छ । उक्त दुर्घटनमा परी चालक सहित जीपमा सवार १० जना यात्रु घाइते भएका छन् ।
पोखराबाट पाल्पाको रामपुर जाँदै गरेको ग१ज ६३५६ नम्बरको जीप आज बिहान करिब ९:३० बजेको समयमा उक्त स्थानको सडकबाट करिब १५० मिटर तल खोलामा खसेको जिल्ला प्रहरी कार्यालय तनहुँका सूचना अधिकारी प्रहरी नायव उपरीक्षक मोहन बहादुर खाँणले जानकारी गराए ।
दुर्घटनमा परी घाइते भएकाहरुलाई तत्काल उद्दार गरी उपचारका लागि पठाइएकोमा घाइतेहरु मध्ये जीपमा सवार बौदीकाली गाउँपालिका-२ नवलपारासी (वर्दघाट सुस्त पुर्व)का ४२ वर्षीय रुम बहादुर बि.क. र ५५ वर्षीय जेमलाल दरैको उपचारको क्रममा जि.पि. कोईराला राष्ट्रिय श्वास प्रश्वास उपचार केन्द्र बेलचौतारा तनहुँमा मृत्यु भएको सूचना अधिकारी खाँणले जानकारी गराए ।
यस्तै, दुर्घटनामा परी घाइते भएको ३ जनाको अवस्था गम्भिर रहेको र ४ जनाको अवस्था मध्यम रहेको छ भने ३ जनाको अवस्था सामान्य रहेको प्रहरीले जानकारी गराएको छ । प्रहरीले उक्त घटनाका विषयमा थप अनुसन्धान गरिरहेको छ ।
वेलचौतारामा उपचारार्थ घाइतेहरु :
१) जिल्ला नवलपरासी (बर्दघाट सुस्ता पुर्व) वौदिकाली गाउँपालिका वडा नं. २ बस्ने बर्ष ४० को हरी ओझा ।
२) जिल्ला पाल्पा निस्ति गाउँपालिका वडा नं. १ बस्ने बर्ष ६६ को ज्ञान बहादुर राना ।
३) जिल्ला स्याङजा चापाकोट नगरपालिका वडा नं. ७ बस्ने बर्ष ४६ को दिनानाथ कडेल ।
४) जिल्ला पाल्पा रामपुर नगरपालिका वडा नं. ७ बस्ने बर्ष ३१ को लक्ष्मण पंगेनी ।
गण्डकी अस्पतालमा उपचारार्थ घाइतेहरु :
१) जिल्ला स्याङजा चापाकोट नगरपालिका वडा नं. ६ बस्ने बर्ष ३२ की रेनु थापा ।
२) जिल्ला स्याङजा चापाकोट नगरपालिका वडा नं. ६ बस्ने बर्ष ६ की रनीसा थापा ।
३) जिल्ला तनहुँ शुक्लागण्डकी नगरपालिका वडा नं. ६ बस्ने बर्ष ४८ की सेतु कार्की
४) जिल्ला पाल्पा निस्ति गाउँपालिका वडा नं. २ बस्ने बर्ष २७ की पुजा सारु ।
५) जिल्ला तनहुँ भिमाद नगरपालिका वडा नं. ३ बस्ने बर्ष ६२ को दण्डपाणी रिजाल
६) जिल्ला तनहुँ घिरिङ गाउँपालिका वडा नं. ४ बस्ने बर्ष ५० को तिखे थापा ।
