तनहुँको भिमादमा जीप दुर्घटना, ११ जना घाइते
भञ्ज्याङन्यूज
तनहुँको भिमाद नगरपालिका-३ आमडाँडा-सेर्का (बरालथुम्किमा) फोर्स जीप दुर्घटना हुँदा ११ यात्रु घाइते भएका छन ।
पोखराबाट पाल्पाको रामपुर तर्फ जाँदै गरेको ग१ज ६३५६ नम्बरको फोर्स जिप आज बिहान १० बजे उक्त स्थानमा दुर्घटना भएको हो ।
ऋङ्गपथ मोटरमार्गबाट करिव १७० मिटर तल खसेको उक्त जिपमा चालक सहित १२ जना सवार थिए । उनिहरु मध्य ६ जना गम्भीर घाइते भएका छन भने चालकलाई नियन्त्रणमा लिएको इलाका प्रहरी कार्यालय भिमादका प्रमुख प्रहरी नायब निरिक्षक उदय राज पैडेलले जानकारी दिए ।
गम्भीर घाइतेहरु मध्य ३ जनालाई थप उपचारका लागि पोखरा पश्चिमाञ्चल क्षेत्रीय अस्पतालमा र ८ जनालाई जिपि कोइराला राष्ट्रिय श्वासप्रश्वास उपचार केन्द्र बेलचैतारामा उपचारका लागि पठाइएको प्रहरीले जनाएको छ ।
दुर्घटनाका घाइतेहरुलाइ भिमाद प्रहरी र स्थानीय युवाहरुको सहयोगमा उद्दार गरी भिमाद नगरपालिका र घिरिङ गाउँंपालिकाको एम्बुलेन्समा हस्पिटल पठाइएको प्रहरीले जनाएको छ ।
