तनहुँमा २६ जना कोरोना संक्रमित थपिए, जिल्लामा सक्रिय संक्रमितको संख्या १७५
- भञ्ज्याङ समाचारदाता (दमौली)
तनहुँमा आज मात्रै २६ जनामा कोरोना संक्रमण पुष्टि भएको छ । स्वास्थ्य निर्देशनालय पोखराले सार्वजनिक गरेको विवरणमा भिमाद नगरपालिका ४ जना, व्यास नगरपालिकामा ११ जना, बन्दिपुर गाउँपालिकामा ४ जना र शुक्लागण्डकी नगरपालिकामा ७ जनामा संक्रमण पुष्टि भएको हो ।
क्षयरोग उपचार केन्द्र पोखरा, पोखरा स्वास्थ्य बिज्ञान प्रतिष्ठान पोखरा र चितवन मेडिकल कलेजमा गरिएको परिक्षणमा तनहुँका २६ जनामा संक्रमण पुष्टि भएको स्वास्थ्य निर्देशक डा. विनोद विन्दु शर्माले जानकारी गराएका छन् ।
सार्वजनिक विवरणमा शुक्लागण्डकी वडा नं. ५ का २६, २१, ३८ बर्षीय पुरुष, वडा नं. ७ का ८ बर्षीया बालिका र ४३ पुरुष, वडा नं. ४ का ४१ वर्षीय पुरुषमा संक्रमण देखिएको हो । त्यस्तै वडा नं. ७ की ४३ वर्षीया महिलामा पनि संक्रमण देखिएको छ ।
त्यस्तै, भिमाद नगरपालिका वडा नं. ६ का ३५, ३२ र ५० बर्षीया महिला र १७ बर्षीय पुरुष, बन्दिपुर-१ का ३० र ३३ वर्षीया महिला, ४६ र ३० वर्षका पुरुषमा संक्रमण देखिएको छ ।
व्यास नगरपालिका-६ का ३५, २१, ५० वर्षका महिला र १७ वर्षका पुरुष, वडा नं. १० का ३१ वर्षका पुरुष, वडा नं. १ का २७, १५, १३ वर्षका पुरुष र २६ वर्षीया महिलामा संक्रमण देखिएको छ ।
यस्तै, व्यास-४ का ३६ वर्षका पुरुष र २५ वर्षकी महिला, वडा नं. ३ का ४० वर्षीय पुरुष, वडा नं. २ का ३४ वर्षीया महिला, वडा नं. १४ की २८ वर्षीया महिला र वडा नं. ८ की ४२ वर्षीया महिलामा कोरोना संक्रमण पुष्टि भएको छ ।
यी सहित तनहुँमा संक्रमित हुनेको संख्या ५९० पुगेको छ भने १७५ जना सक्रिय संक्रमित रहेका छन् । यस्तै संक्रमित मध्ये ४१० जना निको भएर घर फर्किएका छन् ।
