नीति तथा कार्यक्रमका लागि व्यास नगरपालिकाद्वारा सरोकारवालासंग सुझाव माग
दमौली : तनहुँको व्यास नगरपालिकाले आगामी आर्थिक वर्षको नीति तथा कार्यक्रमका लागि सरोकारवालासँग सुझाव माग गरेको छ । नगरप्रमुख वैकुण्ठ न्यौपानेको अध्यक्षतामा बुधबार बसेको बैठकले असार १० गते हुने ४३औं नगरसभामा पेश गरिने नीति तथा कार्यक्रम सम्बन्धमा सरोकारवालासँग सुझाव माग गर्ने निर्णय गरेको हो ।
नीति तथा कार्यक्रमका लागि सरोकारवालाले जेठ २५ गतेसम्म सुझाव दिन सक्ने प्रवक्ता सुरेश थापाले जानकारी दिए । त्यस्तै नगरपालिकाको संगठन संरचना सम्वन्धमा संशोधन प्रस्ताव पेश गर्न सुशासन समितिलाई निर्देशन दिने र आवश्यक विधेयक संशोधन प्रस्ताव पेश गर्न विधायन समितिलाई निर्देशन दिने निर्णय भएको थापाले उल्लेख गरे ।
संघीय सरकारबाट प्रस्तुत बजेटमा नगरपालिकालाई विशेष, समपूरक, समानीकरण र राजस्व बाँडफाडवाट रु एक अर्ब सत्ताइस करोड २९ लाख ४३ हजार एक सय १९ अनुदान प्राप्त हुने बैठकमा जानकारी गराइएको थियो ।
बैठकले नगरभित्रका प्रधानाध्यापक छनोट हुन बाँकी रहेकामध्ये ११ वटा विद्यालयका प्रधानाध्यापक नियुक्तिका लागि प्रक्रिया पूरा गरी पेश हुन आएको प्रस्ताव अनुमोदन गर्ने निर्णय गरेको छ ।
त्यसैगरी, चालु आर्थिक वर्षको नीति तथा कार्यक्रम संशोधन प्रस्ताव नगर सभामा पेश गर्न सिफारिससमेत गरिएको थियो । संघीय सरकारले व्यास नगरपालिकालाई समावेशी, समृद्ध र समन्वययुक्त नगरका रूपमा विकास गर्नका लागि १ अर्ब ७१ करोड २९ लाख ३४ हजार ९११ रुपैयाँ अनुदान उपलब्ध गराउने प्रारम्भिक जानकारी बैठकमा प्रस्तुत गरिएको थियो ।
शिक्षाका क्षेत्रमा, नगरका ११ वटा विद्यालयमध्ये प्रधानाध्यापक रिक्त रहेका विद्यालयमा पदपूर्तिको प्रक्रिया अगाडि बढाउन सम्बन्धित निकायमा प्रस्ताव पेस गर्ने निर्णय बैठकले गरेको छ ।
मानव बेचबिखन तथा वैदेशिक रोजगारीका नाममा भइरहेको ठगी नियन्त्रणका लागि “विधि सहकारी समाज, तनहुँ” को आयोजना र जिल्ला अदालतको सहकार्यमा अभिमुखीकरण कार्यक्रम तथा सचेतना अभिवृद्धि गतिविधि सञ्चालन गर्ने निर्णयसमेत बैठकले गरेको छ ।
