असार १ गतेदेखि दमौलीमा यामाहाको मेघा एक्सचेन्ज कार्यक्रम
दमौली : तनहुँको दमौलीमा यामाहाले पहिलो मेघा एक्सचेन्ज कार्यक्रम गर्ने भएको छ । यामाहाले यही असार १ गतेदेखि ६ गतेसम्म कार्यक्रम सञ्चालन गर्ने भएको छ । तनहुँ अटो मार्ट र सुन्दर अटो वक्र्सको संयुक्त आयोजनामा तथा एमएडब्लूको सहकार्यमा दमौलीको अनशन चौतारीस्थित खुला मैदानमा मेघा एक्सचेन्ज कार्यक्रम गर्न लागिएको हो ।
कार्यक्रम अन्तर्गत कुनै पनि पुरानो मोटरसाइकल वा स्कुटरको न्यूनतम मूल्याङ्कन रु. २५,०००/– गरिनेछ । साथै नयाँ सवारी खरिद गर्दा नगद छुटको रूपमा रु. ६,०००/– अतिरिक्त भ्यालु रु. १०,०००, आर्थिक वर्ष २०८२/०८३ को कर छुट, सरल फाइनान्स सुविधा तथा निःशुल्क हेलमेट, लेगार्ड, म्याट, ब्याग र कभर समेत उपलब्ध गराइने आयोजकले जनाएको छ ।
यस अवसरमा यामाहाले एफआई प्रणालीयुक्त बढी माइलेज दिने, बलिया र आकर्षक मोडलका नयाँ बाइक तथा स्कुटरहरू प्रदर्शनमा राख्ने भएको छ । नयाँ सवारी किन्न चाहने उपभोक्ताहरूका लागि यो अवसर लाभदायक हुने आयोजकले जनाएको छ ।
