आफै‌ंमा उत्प्रेरणा भरिराखाैं

जीवनमा सबैभन्दा ठूलो सफलताको आधार भनेको उत्प्रेरणा हो । कुनै पनि कामको लागि हामीमा हीनताबोध भयो भने त्यसमा हाम्रो असफलता निश्चित छ । त्यसैमाथि अरुले हतोत्साहित गराएको भरमा हामी पनि झनै उदास बन्न थाल्यौं भने जीवनमा असफलताको सुरुवात त्यही बिन्दुबाट हुन्छ ।

जब कुनै काम बोझिलो हुन्छ हामीले आफैँलाई दुईवटा प्रश्न गर्नुपर्छ, पहिलो लक्ष्य प्राप्त गर्न तपाईंले कोबाट प्रेरणा पाउनुभएको हो र उत्प्रेरणाको लागि तपाईंलाई ककसले सहयोग गर्छ ? दोस्रोमा तपाईंले आफ्नो लक्ष्य प्राप्तिका लागि कत्तिको ऊर्जा खर्च गर्नुभएको छ ?

उत्प्रेरणा कायम राख्न के–के कुरामा ध्यान दिने ?

यदि तपाईंलाई लाग्छ कि तपाईंले गरिरहनु भएको काम ध्यान दिएर गरिरहनु भएको छैन वा आवश्यक कामभन्दा अर्कै दिशातर्फ गइरहनुभएको छ भने पक्कै पनि तपाईं उत्साहीनताको शिकार भइरहनु भएको छ ।

यदि त्यस्तो हो भने पनि तपाईंले यो कुरा बिर्सनुहुन्न कि तपाईं एक्लै त्यस्तो मान्छे होइन जो उत्साहहीनताको शिकार भइरहनुभएको छ ।

सबैजनाले आफ्नो जीवनको कुनै न कुनै समयमा यस्तो अनुभव गर्छन् । त्यो समयमा उनीहरूलाई एउटा गुणस्तरीय मार्गदर्शकको आवश्यकता पर्छ ।

आत्मप्रेरणाको लागि तपाईंलाई यो बुझ्नु महत्वपूर्ण हुन्छ कि तपाईंले सो काम कसको प्रेरणाले गर्दै हुनुहुन्छ । जोकोही व्यक्तिले पनि अरु कसै न कसैको प्रेरणाबाट तपाईंले सो काम गर्नुहुनेछ ।  यस्तो प्रेरणा पनि दुई किसिमको हुन सक्छ । एउटा प्रेरणा आन्तरिक हुन्छ । जुन आफूले गरेको काममा माया गरेर आफैंले सो कामलाई प्रेम गर्नु र बाह्य कारण भनेको अरु कसैले गरेको सफलतालाई हेरेर नयाँ काम सुरु गर्नु ।

हरेस नखानुहोस्, सफलता पक्कै हात पर्नेछ

जीवन सत्य हो । जसरी २४ घण्टामा दिन र रात अवश्य हुन्छ, त्यसरी नै जीवनमा सधैं एउटै परिस्थिति रहँदैन भन्ने एउटा शाश्वत सत्य हो । कहिले दिन लामो हुन्छ त कहिले रात, बस् फरक यत्ति हो ।

यसरी नै जीवनमा सधैं सफलता हात पार्न सकिँदैन । यसको लागि जब तपाईंले नयाँ व्यवसाय सुरु गर्नुहुन्छ त्यसमा सफलता मात्रै नभएर असफलतालाई पनि पहिले नै सोचेर अघि बढ्नुहोस्। काममा सफलता प्राप्त हुन्छ भने असफलता पनि पक्कै हुन्छ । असफलताविनाको सफलता दिगो हुँदैन । असफलताको समयमा तपाईं निराश महसुस गर्दै हुनुहुन्छ, यो स्थिति सधैं रहँदैन भन्ने पनि बुझ्नुपर्छ ।

त्यसैले निराश हुनुको सट्टा तपाईंको मनमा केही चीज केन्द्रित गर्न केही समय खर्च गर्नुहोस् । जस्तै, संगीत, चित्रकला, बागवानी, आदि । केही समय पूर्ण आराम पनि गर्न सक्नुहुनेछ । प्रेरणादायक मान्छेसँग मात्रै भेटघाट गर्नुहोस् । यस समयमा आफ्नो लक्ष्यको बारेमा पढ्नुहोस्, सोच्नुहोस्, केही अर्थपूर्ण योजनाहरू बनाउने प्रयास गर्नुहोस् ।

आशावादी हुनुहोस्

नकारात्मक विचारहरूले तपाईंको सम्पूर्ण ऊर्जा खोसेको हुन सक्छ । यससँग सम्बन्धित एउटा कथालाई सान्दर्भिक मान्न सकिन्छ । जहाँ एउटा डाक्टरले खुट्टामा समस्या देखिएकी एउटी केटीलाई भने ‘तिमी अब कहिलै पनि चल्न सक्दैनौ । निराश केटीको एउटा साथीले उनलाई भने कि यी डाक्टरहरूले तिम्रो समस्याको उपचार त गरेनन् तर तिमीबाट एउटा चीज चोरे ।’

बिरामी केटीले सोधी “के?“

साथीले जवाफ दिए “आशा’’

त्यसपछि सो केटीले फेरि आफ्नो आशा जागृत गरिन् । चिकित्सकले अब चल्दैन भनेपछि जतिदिन चल्छ चलाउँछु भनेर ती केटीले नियमित अभ्यास गर्न सुरु गरिन् । नियमितको अभ्यासले उनमा त्यो दुखाइ पनि कम भयो र चिकित्साविज्ञान असफल भयो ।

यसको अर्थ यदि तपाईं सधैं आफ्नो लक्ष्यको बारेमा आशावादी हुनुहुन्छ भने यो आशा तपाईंको प्रेरणा बन्छ । यदि तपाईंसँग नकारात्मक विचारहरू छन् भने यसको बारेमा धेरै सोच्न छाडिदिनुहोस् ।

जब तपाईं सँगै धेरै कार्यहरू गर्नुहुन्छ, तब तपाईंको ध्यान विशेष कार्यमा विकेन्द्रीकृत हुन्छ । यससँग तपाईं कुनै लक्ष्य प्राप्त गर्न असक्षम हुनुहुन्छ र सजिलै उत्साहीनताको शिकार हुनुहुनेछ । यदि तपाईंलाई कामको लागि तपाईंको उत्साह कम भएको जस्तो लाग्छ भने त्यसले तपाईंको दिमाग वरिपरि चलाउनुको सट्टा एक पटकमा केवल एक लक्ष्यमा ध्यान दिनु उपयुक्त हुन्छ । यसका साथ तपाईंको ध्यान र ऊर्जा एक ठाउँमा खर्च हुनेछ, ताकि तपाईं सजिलै लक्ष्य प्राप्त गर्न सक्नुहोस् ।

निराशा हार्नेछ तपाईंको हौसला देखेर

निराशाको समयमा पढ्नुहोस्, सोच्नुहोस् र सफल व्यक्तिहरूको बारेमा कुरा गर्नुहोस्, जो आफ्नो लक्ष्यमा पुगिसकेका छन् । राम्रो प्रेरणादायक पुस्तकहरू पढ्नुहोस्, तिनीहरूको जीवनी र संघर्षमा ध्यान दिनुहोस् । तपाईंले देख्नुहुनेछ कि हरेक सफल व्यक्ति एकपटक असफल भएको छ। सो व्यक्तिको जीवनीले तपाईंमा उत्प्रेरणाको रूपमा काम गर्छ । त्यसैले निराशालाई हौसलाले हराउन सकिन्छ । एजेन्सी

Adertisement

सेयर गर्नुहोस्



प्रतिक्रिया दिनुहोस्



सम्बन्धित खवर

सम्बन्धित खवर

Leave a Reply

Your email address will not be published.

छुटाउनुभयो कि?

Close
Back to top button
You cannot copy content of this page.
Close

Ad Blocker Detect

Please consider supporting us by disabling your ad blocker