तनहुँको आदिकविमा लोकतन्त्र दिवसमा झन्डोत्तोलन

तनहुँको दमौली स्थित आदिकवि भानुभक्त क्याम्पसले १५औं लोकतन्त्र दिवसका अवसरमा क्याम्पसमा झन्डोत्तोलन तथा क्याम्पस स्तरीय सांस्कृतिक नृत्य प्रतियोगितामा विजयी समूहहरुलाई पुरस्कार तथा प्रमाणपत्र वितरण गरेको छ ।

कार्यक्रम गण्डकी प्रदेशका सांसद डोवाटे विक, राष्ट्रिय सभाका सदस्य रामचन्द्र पोखरेलले क्याम्पसको छतमा नेपालको झण्डाको संयुक्त रुपमा डोरी तानेर झन्डोत्तोलन गरेका थिए । कार्यक्रममा बोल्दै सांसद विकले वर्तमान सरकारले लोकतन्त्रको मूलभूत मान्यतालाई उल्लंघनगरेको र लोकतन्त्रको रक्षाका लागि अहिले पनि जनताले चनाखो रहनु पर्ने बताए ।

क्याम्पस र क्याम्पसमा क्रियाशिल आदिकवि नेपाली सिर्जनशील मञ्चको संयुक्त आयोजनामा भएको उक्त कार्यक्रममा गत चैत्र १३ गते क्याम्पसमा आयोजित सांस्कृतिक नृत्य प्रतियोगितामा प्रथम द्वितीय र तृतीय हुने समूह र उत्कृष्ट नृत्य प्रदर्शन गर्ने तीनजनालाई नगद तथा प्रमाणपत्रद्वारा पुरस्कृत गरिएको क्याम्पस प्रमुख महाप्रसाद हड्खलेले जानकारी गराए ।

सेयर गर्नुहोस्

प्रतिक्रिया दिनुहोस्

सम्बन्धित खवर