नकवजनी चोरी र लागुऔषध मुद्दाका फरार प्रतिवादी नेपाली र सुनार पक्राउ
भञ्ज्याङ न्यूज
तनहुँ प्रहरीले विभिन्न मुद्दाका फरार प्रतिवादी फक्राउ अभियान अन्तर्गत २ जनालाई पक्राउ गरी अदालतको फैसला कार्यान्वयनका लागि अगाडि बढाएको छ । प्रहरीले नकवजन चोरी/लागुऔषध मुद्दाका एक र लागु औषध मुद्दाका एक जना गरी दुइ जना फरार प्रतिवादीलाई पक्राउ गरेको हो ।
नकवजनी चोरी/लागु औषध मुधामा तनहुँ जिल्ला अदालत २०७७ मंसिर ३० गते २ हजार जरिवाना र २ सय रुपैयाँ क्षतिपुर्ती सहित ९ महिना ६ दिन कैद फैसला गरेपनि फरार रहेका प्रतिवादी विकास नेपालीलाई पक्राउ गरेको प्रहरी नायव उपरीक्षक युवराज तिमिल्सिनाले जानकारी गराए ।
व्यास-११ फराकचौर बस्ने २३ वर्षीय नेपालीलाई उनकै घरबाट विहीबार पक्राउ गरी फैसला कार्यान्वयनका लागि अदालत उपस्थित गराइएको छ ।
यस्तै, लागुऔषध मुद्दामा फरार रहेकी व्यास नगरपालिका-३ बिसघरे बस्ने २१ वर्षीया स्रि्रन सुनारलाई पनि प्रहरीले पक्राउ गरेको छ ।
जिल्ला अदालतले सुनारलाई २०७७ चैत्र २६ गते २ हजार रुपैयाँ जरिवाना, २ सय रुपैयाँ क्षतिपूर्ती सहित १ महिना ३ दिन कैद फैसला सनाएपनि सुनार फरार रहेको तनहुँ प्रहरीले जनाएको छ ।
प्रहरीले सुनारलाई उनकै घरबाट विहीबार पक्राउ गरी फैसला कार्यान्वयनका लागि शुक्रबार अदालतमा उपस्थित गराइ प्रक्रिया अगाडि बढाएको जनाएको छ ।
