तनहुँको शुक्लागण्डकीमा मेशिनको फिताले च्याप्दा मजदुरको मृत्यु

तनहुँको शुक्लागण्डकी नगरपालिकामा एक मजदुरको मेशिनमा च्यापिएर ज्यान गएको छ । शुक्लागण्डकी-२, च्यवनधामस्थित साँखरको न्यू श्रेष्ठ ब्लग उद्योगमा कार्यरत बेलौरी नगरपालिका-९, कञ्चनपुर घर भएका बर्ष २१ का केशव चौधरीको ज्यान गएको हो ।

घट्ना भएको थाहा पाएपछि स्थानीयले चौधरीलाई निकालेर तनहुँ सेवा हस्पिटल ल्याएपनि चिकित्सकले मृत घोषणा गरेको थियो । उद्योगमा एक्लै काम गर्दै आएका चौधरीलाई क्रसरको मेशिनको फित्ताले च्याप्दा मृत्यु भएको इलाका प्रहरी कार्यालय बेलचौतराका प्रहरी निरीक्षक ज्ञानबहादुर खड्काले जानकारी दिए ।

उनले भने, ‘यसअघि पनि मेशिनमा समस्या आउने गरेको रहेछ । जोखिम मोलेर काम गर्दा घट्ना भएको देखिन्छ । घट्नाबारे थप अनुसन्धान अगाडी बढाइएको छ ।’ प्रहरी निरीक्षक खड्काका अनुसार मृतक चौधारी मेसिनमा एक्लै काम गर्दै आइरहेका थिए ।

सेयर गर्नुहोस्

प्रतिक्रिया दिनुहोस्

सम्बन्धित खवर