सरकारी निकायको सेवा सहज बनाउँछु : प्रजिअ अर्याल

तनहुँको प्रमुख जिल्ला अधिकारी विश्व प्रकाश अर्यालले जिल्लाका सरकारी निकायको सेवा प्रवाहलाई सहज बनाउन पहल गर्ने बताएका छन् । हालै प्रमुख जिल्ला अधिकारीको जिम्मेवारी सम्हालेका प्रजिअ अर्यालले बुधबार पत्रकारहरुसंग अन्तरक्रिया गर्दै मालपोत, कर कार्यालय लगायतको सेवा सुधारमा पहल गर्ने बताएका हुन् । मालपोत कार्यालयमा अहिले पनि सेवाग्राहीले बिचौलियाको सहारा नलिइ सहज काम लिन नसकेको सेवाग्राहीको गुनासो बढिरहेको र कर कार्यालयमा पनि सहजतापूर्वक सेवा प्रवाह नभएको गुनासो बढ्पछि ती कार्यालयको सेवा प्रवाहलाई सहज बनाउन पहल गर्ने उनले बताएका छन् ।

भीडभाड हुने कार्यालयको सेवामा सुधार ल्याउन जति प्रशासक आए पनि खास प्रगति नभएको पत्रकारहरुको जिज्ञासामा प्रजिअ अर्यालले दक्षता र अनुभव जिल्लावासीले चासो र व्यग्रतापूर्वक नियालीरहेका र त्यसको अनुभूति गराउन आफु लागि पर्ने बताएका छन् ।

यस्तै, चाडपर्व नजिकिदै गर्दा हुन सक्ने चोरी, डकैती, दुर्घटना जस्ता घट्नालाई मध्यनजर गर्दै सुरक्षा व्यवस्थालाई मजबूद बनाउने योजना बनाइएको उनले बताए । जनताको काम प्राथामिकतामा राखेर काम गर्ने बताउँदै उनले जिल्लाबाट नागरिकहरुलाई प्रवाह गरिने कार्यलाई चुस्त दुरुस्त पार्दै दुःख पाउने किसिमको वातावरण भए सुधार गर्दै अघि बढ्ने उनले प्रतिवद्धता जनाए ।

पृथ्वीराजमार्ग सडकको अवस्था जोखिमपूर्ण रहेको औल्याउँदै सडक डिभिजन कार्यालयलाई निर्देशन दिएर सुधार गर्न लगाउने उनले बताए । दशै र तिहारमा ग्राहकहरु नठगिने गरी सुपथ मूल्यका पसल सञ्चालन गर्ने योजना रहेको र सोका लागि सरोकारवला पक्षसंग समन्वय गरिने उनले बताए । राजनीतिक दल, व्यपारी, नागरिक समाज, बुद्धिजीबि, पत्रकार सबैसंग सहकार्य गर्दै अघि बढ्ने उनले बताएका छन् ।

सेयर गर्नुहोस्

प्रतिक्रिया दिनुहोस्

सम्बन्धित खवर