तनहुँमा गठबन्धन बीच सिट भागबण्डा नमिलेपछि आ-आफ्नै हिसाबले उम्मेदवारी दर्ता गर्दै
भञ्ज्याङ न्यूज
तनहुँमा गठबन्धन बीच सिट भागबण्डा नमिलेपछि आ-आफ्नै हिसाबले उम्मेदवारी दर्ता गर्ने तयारी गरेका छन् । सत्तारुढ दलबीच भएको गठबन्धनमा स्थानीय निर्वाचनमा तालमेल गर्ने भनेपनि तनहुँमा सहमति जुट्न सकेको छैन ।
गठबन्धनमा भागबण्डा मिलाउन सोमबार बिहान बसेको बैठक निष्कर्षवहिन भएको र दिउँसो उम्मेदवारी दर्ता गर्नुपर्ने भएकाले आजै साँझ पाँच बजे पुनः बैठक बसि तालमेलका लागि प्रयास गरिने कांग्रेस तनहुँका सचिव लक्ष्मीभक्त खनालले बताए ।
यस्तै, गठनबन्धनको बैठकमा सहमति नभएपछि कांग्रेस, माओवादी र नेकपा एकीकृत समाजवादीले छुट्टाछुट्टै उम्मेदवारी दर्ता गराउने तयारी गरेका छन् ।
कांग्रेस तनहुँले आज दिउँसा तीन बजे जिल्लाका सबै पालिकामा उम्मदेवारी दर्ता गर्ने तयारी गरी नगरपालिका, गाउँपालिका र वडामा उम्मेदवार टुंगो जुटेको सचिव खनालले बताए ।
