सवारी दुर्घटनामा तनहुँमा दुइ युवकको मृत्यु
भञ्ज्याङ न्यूज
तनहुँमा मंगलबार भएको सवारी दुर्घटनामा परी दुइ जना युवाको मृत्यु भएको छ । पृथ्वीराजमार्ग अन्तर्गत तनहुँको व्यास नगरपालिका-१२ देउरालीमा बोलेरो गाडीले मोटरसाइकललाई ठक्कर दिंदा मोटरसाइकलमा सवार दुबै जनाको मृत्यु भएको हो ।
प्रहरीले दिएको जानकारी अनुसार मृत्यु हुनेमा हेटौडा उपमहानगरपालिका-१३ बस्ने २६ बर्षीय दयाराम मुक्तान र भिमफेदी गाउँपालिका-१ निवासी २३ बर्षीय दीपेश गोल रहेका छन् ।
डुम्रेबाट दमौली तर्फ आउँदै गरेको बा४३प ३०२० नम्बरको मोटरसाइकललाई बिपरीत दिशामा गुडिरहेको ग३च ४१८२ बोलेरोले ठक्कर दिंदा मोटरसाइकलमा सवार दुबै जनाको मृत्यु भएको तनहुँ प्रहरीले जनाएको छ ।
मुक्तानको दमौली स्थित रत्नहरी मेमोरिएल अस्पतालमा र गोलेको दमौली अस्पतालमा उपचारका क्रममा मृत्यु भएको जिल्ला प्रहरी कार्यालय तनहुँका प्रहरी नायव उपरीक्षक युवराज खड्काले बताए ।
बोलेरो गाडी र चालकलाई प्रहरीले नियन्त्रणमा लिएर थप अनुसन्धान गरिरहेको जिल्ला प्रहरी कार्यालय तनहुँले जनाएको छ ।
