विकासबाहेक अरु स्वार्थ छैन : वरिष्ठ नेता पौडेल

नेपाली कांग्रेसका वरिष्ठ नेता रामचन्द्र पौडेलले विकासबाहेक आफ्नो अरु स्वार्थ नभएको बताएका छन् । तनहुँको भानु नगरपालिका-१ भन्सारमा शनिबार आयोजित कार्यकर्ता भेटघाटमा वरिष्ठ नेता पौडेलले जिल्लाको विकास र समृद्धि नै आफ्नो लक्ष्य रहेको बताए ।

जिल्लाको विकास र समृद्धिबाट जनताको जीवनस्तर उकास्नका लागि राजनीति गरेको बताउँदै नेता पौडेलले त्यसका लागि आफू क्रियाशील रहेको चर्चा गरे । आगामि मंसिर ४ गते हुने निर्वाचनमा तनहुँ क्षेत्र नम्बर १ बाटै उम्मेदवार बन्ने बताउँदै उनले विकासको सपना पुरा नभएकाले सक्रिय राजनीतिमा लागेको सुनाए ।

संविधानको रक्षाका लागि गठबन्धन गरिएको र गठबन्धनले आगामी दिनमा पनि निरन्तरता पाउने बताए । निर्वाचनको मिति तोकिएसँगै वरिष्ठ नेता पौडेलले गृहजिल्लामा कार्यकर्ता भेटघाटलाई तीव्र बनाउँदै आएका छन् ।

पौडेलले शनिबार भानु नगरपालिका-३ खहरे, भानु नगरपालिका-६ कटहरे, शेपाबगैंचा, भानु नगरपालिका-५ नारेश्वरटार लगायतका ठाउँमा कार्यकर्ता भेटघाट गरेका थिए ।

सेयर गर्नुहोस्

प्रतिक्रिया दिनुहोस्

सम्बन्धित खवर