दिवाकालिन ज्येष्ठ नागरिक आश्रमको अध्यक्षमा गौतम चयन

तनहुँको व्यास-५ मा रहेको भजन संकृतन समूहद्वारा संचालित दिवाकालिन ज्येष्ठ नागरिक आश्रमको अध्यक्षमा विष्णु गौतम चयन भएका छन् ।

संस्थाको पाँचौ साधारण सभा एवं तेश्रो अधिवेशनले अध्यक्षमा गौतमलाई सर्वसम्मत चयन गरेको हो । कार्यवाहक अध्यक्ष गौतमको अध्यक्षतामा सम्पन्न भएको पाँचौ साधारण सभा एवं तेश्रो अधिवेशनमा वयोवृद्ध मानसिंह थापाले कार्यक्रमको शुभारम्भ गरेका थिए ।

अधिवेशनले उपाध्यक्षमा आइतमाया थापा, सचिवमा शरण खनाल, सहसचिवमा प्रतिमा श्रेष्ठ, कोषाध्यक्षमा सुरेन्द्र खनाल, सह कोषाध्यक्षमा पदम कुमार श्रेष्ठलाई चयन गरेको छ भने सदस्यहरुमा तेजप्रसाद अधिकारी, खुमा थापा, राजकुमार श्रेष्ठ, रोशन खनाल, शोभा खनाल, दिलमाया आले, र अमृता खनाललाई सर्वसम्मत रुपमा चयन गरेको छ ।

नवनिर्वाचित अध्यक्ष गौतमले सबैको साथ र सहयोगले यो सस्था यहाँसम्म आईपुगेको हुँदा संस्थाको आवश्यकता र मर्म अनुसार काम गर्ने बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर