वडा नं. ५ ले जित्यो छैटौ घिरिङ अध्यक्ष कपको उपाधि
भञ्ज्याङ न्यूज
तनहुँको घिरिङ गाउँपालिकामा आयोजित छैटौं घिरिङ अध्यक्ष कप प्रतियोगिताको उपाधी वडा नम्बर ५ ले जितेको छ ।
गाउँपालिकाको समन्वयमा खेलकुद विकास समिति घिरिङको आयोजनामा वैशाख १९ देखि २१ गतेसम्म पोखरीछाप खेल मैदानमा छैटौं अध्यक्ष कप खेलकुद प्रतियोगिता सञ्चालन गरिएको थियो ।
बिहीबार सम्पन्न भएको सो कार्यक्रममा वडा स्तरीय भलिबल प्रतियोगिता बाट पुरुष तर्फवडा नं ५ प्रथम भएको छ । यस्तै वडा नं १ द्दितिय र वडा नं २ तृतीय भएको छ ।
विजेताहरुलाई प्रथम पुरस्कार ७० हजार नगद सहित ट्रफी मेडल र प्रमाणपत्र, द्वितीय पुरस्कार ५० हजार सहित ट्रफी मेडल र प्रमाणपत्र, तृतीय पुरस्कारमा ३० हजार सहित ट्रफी मेडल र प्रमाणपत्र रहेको थियो ।
यसैगरि भलिबल खेलको महिला तर्फ वडा नं २ ले प्रथम स्थान हासिल गरेको छ । वडा नं १ द्वितीय र वडा नं ४ तृतीय स्थान हासिल गरेका छन ।
महिला तर्फको प्रथम पुरस्कार ४० हजार सहित ट्रफी मेडल र प्रमाणपत्र रहेको छ । द्वितीय पुरस्कार ३० हजार सहित ट्रफी मेडल र प्रमाणपत्र रहेको छ भने तृतीय पुरस्कार १५ हजार सहित ट्रफी मेडल र प्रमाणपत्र रहेको छ ।
