तीन तहकै सरकारका लक्ष्य एउटै हुनुपर्छ : अर्थमन्त्री आले

गण्डकी प्रदेशका आर्थिक मामिला मन्त्री जीतप्रकाश आले मगरले मुलुकको विकासका लागि तीनै तहका सरकारको लक्ष्य एउटै हुनुपर्ने बताएका छन । भिमाद नगरपालिकाको सोमबार नीति, बजेट र कार्यक्रम र्सार्वजनिक गर्दै मन्त्री आले मगरले तीन वटै तहको सरकार तीन तिर फर्किदा मुलुकलाई समृद्धिको बाटो तर्फ लग्न नसकिने बताए ।

मुलुकको दिगो विकासका लागि संघीय, प्रदेश र स्थानीय सरकार एक आपासमा समन्वय गरी अगाडी बढ्नुपर्नेमा मन्त्री आले मगरले जोड दिए । आर्थिक मामिला मन्त्री हैसियतले आफुले समन्वय गर्ने प्रयास गरिरहेको समेत बताए ।

तीन वटै सरकार तिन तिर हिडे मुलुकका हित कहिल्यै नहुने मन्त्री आलेको भनाइ थियो । ‘तीन तहकै सरकार एउटै बाटोमा हिड्नु विकल्प छैन’, उनले भने, ‘एक आपसको सहकार्यले मात्र देशको दिगो विकासको लक्ष्य हासिल गर्न सकिन्छ।

यसप्रति हामी सजक हुन जरुरी छ ।’ नगरप्रमुख दधिराज सुवेदीको अध्यक्षतामा आयोजित कार्यक्रममा नगरपालिकाले आर्थिक वर्ष २०८०/०८१ का लागि नीति, कार्यक्रम तथा बजेट सार्वजनिक गरिएको थियो ।